रशियातील पुरुषांचे सरासरी आयुर्मान सध्या ६८ वर्षे आहे, जे युरोपीय देशांच्या तुलनेत (७८ वर्षे) खूपच कमी आहे. वाढत्या वृद्धत्वाच्या समस्येवर मात करण्यासाठी आणि मानवी वय थेट १५० वर्षांपर्यंत नेण्यासाठी राष्ट्राध्यक्ष व्लादिमीर पुतिन यांच्या थेट देखरेखीखाली हा प्रकल्प सुरू आहे.
मानवी शरीरातील पेशींच्या वृद्धत्वाची (Cellular Aging) गती कमी करणे. शरीरातील वृद्धत्वासाठी कारणीभूत ठरणारे किंवा वयासोबत खराब होणारे गुणसूत्र (Genes) शोधून त्यांना निष्प्रभ करणे, हा या थेरपीचा मुख्य उद्देश आहे. वय वाढल्यामुळे मानवी अवयव निकामी होतात. हे निकामी झालेले अवयव कृत्रिमरित्या पुन्हा तयार करण्यासाठी ३डी बायोप्रिंटिंग तंत्रज्ञानाचा वापर केला जात आहे. रशियन वैज्ञानिकांनी उंदराची थायरॉईड ग्रंथी (Thyroid Gland) आणि मानवी कूर्चा उती (Cartilage Tissues) यशस्वीरित्या बायोप्रिंट केल्याचा दावा केला आहे. मानवी जनुकांशी जुळणाऱ्या (Gene-matched) लहान डुकरांच्या शरीरात मानवी अवयव विकसित करणे, जेणेकरून भविष्यात ते अवयव मानवी शरीरात प्रत्यारोपित (Transplant) करता येतील.
या मोहिमेची धुरा पुतिन यांनी अत्यंत विश्वासू लोकांकडे सोपवली आहे. यात त्यांची स्वतःची कन्या आणि नामांकित एंडोक्रिनोलॉजिस्ट (अंतःस्रावी तज्ज्ञ) मारिया वोरोंत्सोवा आणि कुरचातोव इन्स्टिट्यूटचे प्रमुख मिखाईल कोवॅल्चुक यांचा समावेश आहे.
क्रेमलिन आणि ‘द वॉल स्ट्रीट जर्नल’च्या वृत्तानुसार, जरी या प्रकल्पाची सुरुवात संथ झाली असली, तरी आता या संशोधनाने प्रचंड वेग घेतला असून २०३० पर्यंत याचे अंतिम निष्कर्ष समोर येण्याची संशोधकांना आशा आहे. जागतिक स्तरावर या प्रयोगाकडे विज्ञानाची मोठी झेप म्हणून पाहिले जात असले, तरी याच्या नैतिकतेबाबत (Ethics) आंतरराष्ट्रीय वर्तुळात अनेक प्रश्न उपस्थित केले जात आहेत.
