गेल्या 38 दिवसांपासून सुरू असलेल्या आखाती संघर्षाच्या पार्श्वभूमीवर लवकरच युद्धविराम लागण्याची चिन्हे दिसत आहेत. डोनाल्ड ट्रम्प यांनी युद्ध थांबवण्याची घोषणा केली असून इराणनेही त्यास सहमती दर्शवली आहे. या घडामोडींवर प्रतिक्रिया देताना संजय राऊत यांनी प्रतिक्रिया दिली आहे.
माध्यमांशी संवाद साधताना राऊत यांनी सांगितले की, या संघर्षात अनेक निष्पाप नागरिकांचा बळी गेला आहे. मात्र, त्यांच्या मते सर्वात महत्त्वाची बाब म्हणजे इराणने अमेरिका आणि इस्रायल यांसारख्या शक्तिशाली देशांसमोर शरणागती पत्करली नाही. ते पुढे म्हणाले की, इराणने या महासत्तांना कठीण आव्हान दिलं आणि जगात निर्माण झालेली त्यांची भीतीही काही प्रमाणात कमी केली. तसेच, देशासाठी लढण्याची जिद्द आणि एकजूट कशी असावी, हे इराणने दाखवून दिल्याचेही त्यांनी नमूद केले. या विधानामुळे पुन्हा एकदा या संघर्षाकडे राजकीय आणि आंतरराष्ट्रीय स्तरावर वेगळ्या दृष्टीने पाहिले जात आहे.
