“साडी फुगल्याशिवाय एलिगंट लूक मिळवण्यासाठी सोप्या आणि प्रभावी उपाय”
कॉटन साडी हलकी आणि सुंदर दिसते, म्हणून अनेकांच्या कपाटात ऑफिससाठी किंवा रोजच्या वापरासाठी ह्या साड्या असतात. मात्र, कॉटन साडी नेसताना फुगण्याची समस्या अनेकांना भेडसावते. साडी नीट बसत नसेल किंवा कमरेभोवती फुगल्यास तिचा लूक कमी आकर्षक दिसतो.
ही समस्या टाळण्यासाठी काही सोपे उपाय आहेत:
- साडी धुताना – पहिल्यांदा मिठाचे पाणी वापरून साडी भिजवावी. ह्यामुळे रंग टिकून राहतो आणि कापड मऊ होऊन साडी नीट बसते.
- इस्त्री करणे – साडी नेसण्यापूर्वी विशेष करून काठ आणि पदर चांगले इस्त्री करणे गरजेचे आहे.
- निऱ्यांची संख्या – कॉटन साडीत जास्त निऱ्या काढू नयेत. ५-६ निऱ्या पुरेशा असतात; जास्त निऱ्यांमुळे साडी कंबरेभोवती फुगते.
- निऱ्या खोचण्याची पद्धत – बेंबीच्या किचिंत वर खोचावी; पोट जास्त असल्यास बेंबीच्या डावीकडे खोचावी.
- ब्लाउजची निवड – प्लेन साडीसोबत प्रिंटेड किंवा कंट्रास्ट ब्लाउज घालल्यास फुगलेल्या साडीवर लक्ष जात नाही आणि लूक अधिक एलिगंट दिसतो.
- बॉडी शेपर पेटीकोट – कॉटन साडीसोबत बॉडी शेपर पेटीकोट वापरल्यास साडी चांगली बसते आणि फुगण्याची समस्या टाळता येते.
ही सर्व सोपी टिप्स वापरल्यास तुमची कॉटन साडी फुगणार नाही आणि तुम्हाला कायमस्वरूपी स्टाइलिश लूक मिळेल.
