Car Loan Interest Rates : कार खरेदीचं स्वप्न आता होणार पूर्ण! खासगी बँकांचे नवीन व्याजदर जाहीर; जाणून घ्या कुठे मिळेल सर्वात स्वस्त कर्ज

कर्ज घेण्यापूर्वी तपासा बँकांची यादी; एचडीएफसी, आयसीआयसीआय आणि अ‍ॅक्सिस बँकेच्या व्याजदरात मोठी स्पर्धा, आयडीबीआय बँकेची बाजी

स्वतःची हक्काची कार असावी असे स्वप्न पाहणाऱ्यांची संख्या मोठी आहे. मात्र, कार खरेदी करताना खिशातून मोठी रक्कम देण्याऐवजी अनेक ग्राहक बँकांकडून मिळणाऱ्या कर्ज सुविधेचा (Car Loan) आधार घेतात. तुम्हीही जर यंदा कार खरेदी करण्याचा विचार करत असाल, तर कोणत्या बँकेत सर्वात कमी व्याजदर आहे हे जाणून घेणे तुमच्या फायद्याचे ठरेल. देशातील प्रमुख खासगी बँकांनी त्यांचे कार लोनचे व्याजदर अपडेट केले असून, यामध्ये आयडीबीआय बँक सध्या आघाडीवर असल्याचे दिसत आहे.

विविध बँकांचे व्याजदर पाहता, एचडीएफसी (HDFC) बँक आपल्या ग्राहकांना साधारण ९% व्याजदराने कर्ज उपलब्ध करून देत आहे. तर, आयसीआयसीआय (ICICI) बँकेने ८.५% असा स्पर्धात्मक दर ठेवला आहे. अ‍ॅक्सिस बँक ८.९५% पासून पुढे व्याज आकारत असून, बंधन बँकेचा प्रारंभिक दर ९.४७% इतका आहे. या सर्वांमध्ये आयडीबीआय (IDBI) बँकेने ७.५०% या सर्वात कमी प्रारंभिक दराने लक्ष वेधून घेतले आहे. लक्षात ठेवा, हे दर केवळ सुरुवातीचे असून तुमचा ‘क्रेडिट स्कोअर’ (CIBIL Score) आणि कर्जाची रक्कम यानुसार ते बदलू शकतात.

बँकांकडून मिळणारे हे व्याजदर केवळ आकड्यांवर अवलंबून नसून, ग्राहकाची पात्रता आणि त्याच्या बँकेसोबत असलेल्या व्यवहारांवरही ठरवले जातात. त्यामुळे कर्ज घेण्यापूर्वी प्रोसेसिंग फी, प्री-पेमेंट चार्जेस आणि लपलेले इतर खर्च तपासावेत. स्वस्त कार लोनच्या शोधत असणाऱ्यांसाठी ही माहिती अत्यंत महत्त्वाची असून, योग्य बँकेची निवड केल्यास तुमच्या हप्त्यांमध्ये (EMI) मोठी बचत होऊ शकते.

बँकनिहाय कार लोन व्याजदर एका दृष्टिक्षेपात