रासायनिक टूथपेस्टऐवजी कडुलिंब, बाभूळ आणि करंजाच्या फांद्यांचा वापर दात, हिरड्या आणि श्वासासाठी नैसर्गिक उपाय
आजच्या धावपळीच्या जगात आपण रासायनिक टूथपेस्ट आणि ब्रशच्या सवयीत इतके गुंतलो आहोत की, आपल्या पारंपारिक आयुर्वेदिक पद्धती विसरून गेलो आहोत. पण अजूनही ग्रामीण भागात लोक दात स्वच्छ करण्यासाठी दातुनचाच वापर करतात. आणि त्यामागे आहे एक संपूर्ण आरोग्यशास्त्र!
कडुलिंब, बाभूळ, करंज यांसारख्या झाडांच्या डहाळ्यांपासून तयार होणारे दातुन हे नैसर्गिक ब्रश आहेत. यात कोणतेही रसायन नसल्याने दात आणि हिरड्यांना हानी न पोहोचवता त्यांना अधिक मजबूत करतात. या झाडांच्या फांद्यांमध्ये जीवाणूनाशक, जंतुनाशक आणि तुरट गुणधर्म असतात, जे तोंडातील बॅक्टेरिया नष्ट करून स्वच्छता राखतात.
दातुन चघळल्याने त्याचे तंतू नैसर्गिक फ्लॉससारखे काम करतात. ते दातांमध्ये साचलेली अन्नकण आणि प्लेक दूर करतात. यामुळे हिरड्यांमधील रक्ताभिसरण सुधारते आणि सूज, दुर्गंधी किंवा रक्त येणे यांसारख्या समस्या कमी होतात.
टूथपेस्टमध्ये असलेल्या फ्लोराइड आणि इतर रसायनांपासून दूर राहायचं असेल, तर दातुन हा एक उत्कृष्ट आणि शंभर टक्के नैसर्गिक पर्याय ठरतो. शिवाय, हे केवळ स्वच्छता साधन नाही, तर तोंडाच्या संपूर्ण आरोग्यासाठी आयुर्वेदिक औषधासारखं आहे. आजही अनेक गावांमध्ये सकाळची सुरुवात दातुनाने होते. कारण त्यांना माहीत आहे की, खरा आरोग्यसंपदा हा निसर्गातच लपलेला आहे.
