आंतरराष्ट्रीय सर्वेक्षणात स्पेन अव्वल, भारताने मिळवला मानाचा 7वा क्रमांक
जगभरात सौंदर्याची संकल्पना देशागणिक बदलत जाते. कुठे गोऱ्या रंगाला प्राधान्य दिलं जातं, तर कुठे व्यक्तिमत्त्व, स्टाइल आणि आत्मविश्वासाला. महिलांच्या सौंदर्याबाबत नेहमीच चर्चा होत असते, मात्र पुरुषांच्या आकर्षकतेबाबतही जागतिक पातळीवर उत्सुकता तितकीच असते. अशातच एका आंतरराष्ट्रीय सर्वेक्षणातून जगातील सर्वात हँडसम पुरुष कोणत्या देशात आहेत, याची यादी समोर आली आहे.
या सर्वेक्षणात जगभरातील 25 देशांचा समावेश करण्यात आला असून, चेहराकृती, शरीरयष्टी, फिटनेस, स्टाइल आणि व्यक्तिमत्त्व अशा विविध निकषांवर ही क्रमवारी ठरवण्यात आली आहे. यामध्ये युरोप, आशिया आणि इतर खंडांतील देशांचा समावेश आहे.
या यादीत स्पेनने पहिला क्रमांक पटकावला आहे. स्पेनमधील पुरुषांचे आकर्षक चेहरे, वेगळ्या रंगांचे डोळे, संतुलित शरीरयष्टी आणि फॅशनेबल स्टाइल यामुळे त्यांना सर्वाधिक हँडसम मानले गेले आहे.
भारताने या यादीत सातवा क्रमांक मिळवून टॉप 10 मध्ये स्थान मिळवले आहे. विविधतेने भरलेल्या भारतात वेगवेगळ्या त्वचेचे रंग, डोळ्यांचे प्रकार आणि व्यक्तिमत्त्व असलेले पुरुष आढळतात. केवळ बाह्य सौंदर्य नव्हे, तर आत्मविश्वास, संस्कृती आणि सकारात्मक व्यक्तिमत्त्व हीच भारतीय पुरुषांची खरी ओळख असल्याचं या सर्वेक्षणातून दिसून येतं.
दरम्यान, पाकिस्तानला या यादीत 19वा क्रमांक देण्यात आला आहे. उंच शरीरयष्टी, गोरा रंग आणि स्मार्ट लूक यासाठी तेथील पुरुष ओळखले जातात. जपान, दक्षिण कोरिया यांसारख्या आशियाई देशांचाही या यादीत समावेश असून, सौंदर्याची व्याख्या जागतिक स्तरावर किती वैविध्यपूर्ण आहे, हे यातून स्पष्ट होतं.
या क्रमवारीतून एक महत्त्वाची बाब समोर येते, ती म्हणजे हँडसमपणा म्हणजे फक्त चेहऱ्याचं सौंदर्य नाही. व्यक्तिमत्त्व, फिटनेस, आत्मविश्वास आणि वागणूक यांचा त्यात तितकाच मोठा वाटा असतो. त्यामुळे भारताला मिळालेलं टॉप 10 मधील स्थान हे केवळ रँकिंग नसून, देशातील विविधतेचं आणि आत्मविश्वासाचं प्रतिबिंब आहे.
