वांद्रे येथील कारवाईनंतर मुंबई पोलिसांवर हल्ल्याची आणि घातपाताची होती तयारी; पाकिस्तानची ‘ISI’ आणि मुन्ना झिंगाडा कनेक्शन समोर आल्याने शहर हाय अलर्टवर
देशाची आर्थिक राजधानी असलेल्या मुंबई शहराला हादरवून सोडणारा एक अत्यंत धक्कादायक आणि भयंकर दहशतवादी कट उघडकीस आला आहे. काही दिवसांपूर्वी मुंबईतील वांद्रे पूर्व भागातील गरीब नगर परिसरामध्ये महानगरपालिकेकडून मोठी अतिक्रमण विरोधी मोहीम राबवण्यात आली होती. या मोहिमेत पाच दिवसांत सुमारे ४०० हून अधिक अवैध बांधकामे जमीनदोस्त करण्यात आली होती. या कारवाईचा बदला घेण्यासाठीच शहरात एका मोठ्या दहशतवादी हल्ल्याची योजना आखली जात असल्याची चिंताजनक माहिती दिल्ली पोलिसांच्या स्पेशल सेलने (Delhi Special Cell) केलेल्या तपासातून समोर आली आहे. या कारवाईमुळे मुंबईवरील एक मोठे संकट तूर्तास टळले आहे.
तपासातील सर्वात मोठे खुलासे मुंबई पोलीस कर्मचारी, सुरक्षा यंत्रणा आणि गर्दीची अतिमहत्त्वाची ठिकाणे. संशयितांच्या मोबाईलमध्ये मुंबईतील विविध भागांचे रेकी केलेले व्हिडिओ, फोटो आणि परदेशी हँडलर्ससोबतचे चॅट्स. पाकिस्तानची गुप्तचर संघटना ‘ISI’ आणि कुख्यात गुंड मुन्ना झिंगाडा यांच्या इशाऱ्यावर रचला गेला कट.
दिल्ली स्पेशल सेलने अटक केलेल्या संशयित आरोपींच्या कसून चौकशीतून अनेक गंभीर बाबी समोर आल्या आहेत. पोलिसांवर थेट हल्ले करून आणि शहरात बॉम्बस्फोट घडवून आणून दहशत पसरवण्याचा या देशद्रोही शक्तींचा मुख्य हेतू होता. या कटाची पाळेमुळे थेट सीमेपार पोहोचली असून, पाकिस्तानस्थित ‘ISI’ आणि विदेशी हँडलर्सच्या आर्थिक मदतीने हा कट रचला जात होता. हा आंतरराष्ट्रीय कट उघड झाल्यानंतर मुंबई पोलीस आणि महाराष्ट्र दहशतवाद विरोधी पथक (Maharashtra ATS) पूर्णपणे सतर्क झाले असून संपूर्ण शहरात कडेकोट बंदोबस्त तैनात करण्यात आला आहे. सध्या सुरक्षा यंत्रणा स्थानिक पातळीवर त्यांना मदत करणाऱ्या ‘स्लीपर सेल’ आणि लोकल नेटवर्कचा कसून शोध घेत आहेत.
