राज्यात एकेकाळी प्रचंड चर्चेत राहिलेल्या अशोक खरात प्रकरणावर आधारित चित्रपटाची निर्मिती होणार असल्याच्या चर्चांनी जोर धरला आहे. ‘महाराष्ट्र एपस्टिन फाईल्स’ या संभाव्य नावाने हा चित्रपट प्रेक्षकांच्या भेटीला येऊ शकतो, अशी माहिती समोर येत असून यामुळे पुन्हा एकदा या प्रकरणाकडे सर्वांचे लक्ष वेधले गेले आहे.
फसवणूक, विश्वासघात आणि विविध गंभीर आरोपांमुळे हे प्रकरण राज्यभर चर्चेचा विषय ठरले होते. तपास यंत्रणांच्या कारवाईनंतर या घटनेला अनेक नवे पैलू मिळाले आणि ती राज्यातील सर्वाधिक गाजलेल्या प्रकरणांपैकी एक बनली. आता त्याच घटनाक्रमावर आधारित कथा चित्रपटाच्या माध्यमातून मांडली जाणार असल्याची चर्चा सुरू आहे.
चित्रपटाच्या घोषणेनंतर सोशल मीडियावर मोठ्या प्रमाणात प्रतिक्रिया उमटत असून कथानकात नेमके कोणते पैलू दाखवले जाणार, याबाबत उत्सुकता वाढली आहे. विशेष म्हणजे, मुख्य भूमिकेसाठी बॉलिवूड अभिनेता Emraan Hashmi यांच्या नावाची चर्चा रंगत असल्याने प्रेक्षकांमध्ये कुतूहल आणखी वाढले आहे.
मिळालेल्या माहितीनुसार, चित्रपटाचे दिग्दर्शन Swarup Sawant करणार असल्याचे बोलले जात आहे. मात्र, कलाकारांची अंतिम निवड, चित्रपटाचे कथानक आणि निर्मितीबाबत अद्याप अधिकृत घोषणा झालेली नाही. त्यामुळे आगामी काळात या चित्रपटासंदर्भात आणखी कोणती माहिती समोर येते, याकडे चित्रपटप्रेमींचे लक्ष लागले आहे.
