आजच्या स्पर्धात्मक युगात प्रत्येक पालकाला आपले मूल सर्वात बुद्धिमान आणि स्मार्ट असावे असे वाटते. यासाठी आपण मोठी शाळेची फी भरतो आणि मुलांना महागड्या कोचिंग सेंटर्समध्ये पाठवतो. पण तुम्हाला माहिती आहे का की मुलांची बुद्धिमत्ता (IQ) आणि समज वाढवण्यासाठी महागड्या ट्यूशनची नाही, तर घरातील काही साध्या कामांची गरज असते? मानसशास्त्रज्ञांच्या मते मुलांचे मेंदू पुस्तकांपेक्षा अनुभवांमधून अधिक शिकतात.
किचनमध्ये मदत घेणे (The Science of Measuring) : किचन म्हणजे फक्त स्वयंपाकघर नसून ती एक चालती-फिरती ‘मॅथ्स लॅब’ आहे. जेव्हा तुम्ही मुलांना चहामध्ये साखर घालायला, तांदूळ मोजायला किंवा भाज्या मोजायला सांगता, तेव्हा ते नकळत प्रमाण, मोजमाप आणि मोजणी शिकत असतात. अशा मोजण्याच्या आणि मिसळण्याच्या प्रक्रियेमुळे मुलांची ‘लॉजिकल रिझनिंग’ची क्षमता विकसित होते.
लॉन्ड्री सॉर्टिंग (Sorting and Pattern Recognition) : धुतलेल्या कपड्यांच्या ढिगातून मोज्यांची जोडी लावणे किंवा रंग आणि साइजप्रमाणे कपडे वेगळे करणे ही एक उत्तम मेंदूची कसरत आहे. ही क्रिया मुलांची पॅटर्न ओळखण्याची आणि वर्गीकरण करण्याची क्षमता वाढवते, जी गणित आणि कोडिंग शिकण्याचा पाया आहे.
बजेटिंग आणि खरेदी (Practical Arithmetic) : जेव्हा तुम्ही बाजारात जाता किंवा ऑनलाइन सामान मागवता, तेव्हा मुलांना सोबत बसवा. त्यांना खरेदीची यादी तयार करू द्या आणि किंमतींची तुलना करायला सांगा. यामुळे मुलांमध्ये निर्णय घेण्याची क्षमता आणि व्यवहार्य गणिताची समज विकसित होते. मर्यादित साधनांमध्ये योग्य निवड कशी करायची हे त्यांना कळते.
