भारतीय टेनिसची स्टार खेळाडू सानिया मिर्झा (Sania Mirza) मागील काही महिन्यांपासून स्वतःच्या खासगी आयुष्यामुळे चर्चेत आहे. पाकिस्तानचा क्रिकेटपटू शोएब मलिकपासून वेगळं झाल्यानंतर सानियाने अनेक भावनिक समस्यांना सामोरं जावं लागलं. शोएबने दुसऱ्यांदा लग्न केल्याची बातमी समोर येताच सानिया मात्र आपल्या मुलासोबत शांतपणे दुबईत आयुष्य जगण्याचा प्रयत्न करत राहिली.
करण जोहरच्या (Karan Johar) शोमध्ये सहभागी होताना सानियाने पहिल्यांदाच आपल्या मनातील वेदना उघड केल्या. त्या काळात ती मानसिकदृष्ट्या खूप ढासळली होती, इतकंच नव्हे तर काम सुरू असतानाच तिचे हातही थरथर कापत होते, असे तिने स्पष्ट सांगितले. सिंगल मदर म्हणून सर्वाधिक कठीण गोष्ट म्हणजे मुलाला सोडून परदेशात कामानिमित्त यावे लागणे, हेही तिने सांगितले. “रात्री एकटे बसून जेवण होतच नाही”, अशा शब्दांत तिने एकटेपणाची तीव्र जाणीव अधोरेखित केली.
शोएबपासून वेगळं झाल्यानंतर तिचं नाव भारतीय क्रिकेटपटू मोहम्मद शमीसोबत जोडले गेले होते. मात्र या दोघांनीही याबाबत मौन बाळगलं आहे. दुसरीकडे, तिच्या बोलण्यातून तिला आयुष्यात आधार देणाऱ्या साथीदाराची निश्चितच गरज आहे असेही समजून येते. आता सगळ्यांचे लक्ष एका गोष्टीवर खिळले आहे. सानिया मिर्झा पुन्हा लग्नाचा निर्णय घेईल का? याचे उत्तर काळच देईल!
