भारत सरकारने रविवारी २०२६ साठी पद्म पुरस्कारांची घोषणा केली, ज्यामध्ये पद्मविभूषण, पद्मभूषण आणि पद्मश्री श्रेणी अंतर्गत १३१ नागरी सन्मानांना मान्यता देण्यात आली. या यादीत सार्वजनिक जीवन, कला, चित्रपट, साहित्य, क्रीडा आणि सार्वजनिक कल्याणातील अनेक प्रमुख व्यक्तींचा समावेश आहे. या वर्षी पाच पद्मविभूषण, १३ पद्मभूषण आणि ११३ पद्मश्री पुरस्कारांना मंजुरी देण्यात आली आहे. माजी भारतीय कर्णधार रोहित शर्माला पद्मश्री पुरस्कार प्रदान करण्यात येईल. त्यांच्या नेतृत्वाखाली रोहितने २०२४ चा आयसीसी टी२० विश्वचषक आणि २०२५ चा चॅम्पियन्स ट्रॉफी जिंकून दिला. त्यांनी भारतीय क्रिकेटमध्ये महत्त्वपूर्ण योगदान दिले आहे आणि आता त्यांना पद्मश्री पुरस्काराने सन्मानित केले जाईल.
भारतीय क्रिकेटपटू रोहित शर्मानं पद्मश्री पुरस्काराने सन्मानित केल्याबद्दल भारत सरकारचे आभार व्यक्त केले आहेत. क्रिकेटमधील उल्लेखनीय योगदानाची दखल असल्याचं त्यानं नमूद केलं. पद्मश्री अवॉर्ड मिळाल्यानंतर मी भारत सरकारचे आभार मानतो. हा माझ्यासाठी आणि माझ्या कुटूंबियांसाठी खास क्षण आहे, असं रोहित शर्मा (Rohit Sharma) म्हणाला. माझ्या करियरमध्ये ज्या ज्या लोकांनी महत्त्वाचा रोल निभावला त्याचे देखील आभार मानतो. माझे प्रयत्न असेच चालू राहतील, असं विश्वास देखील रोहित शर्माने व्यक्त केला.पुढे तो म्हणाला की, देशासाठी मॅच खेळणं आणि देशासाठी ट्रॉफी जिंकणं यासाठी माझा प्रयत्न असेल, असं आश्वासन देखील रोहित शर्माने दिलं आहे.दुरदर्शन स्पोर्ट्सने रोहित शर्माचा व्हिडीओ सोशल मीडिया अकाऊंटवरून शेअर केला आहे. यामध्ये तो आभार मानताना दिसतोय.दरम्यान, रोहित शर्माच्या नेतृत्वाखाली, टीम इंडियाने २०२४ मध्ये टी-२० विश्वचषक पटकावला. तर २०२५ मध्ये आयसीसी चॅम्पियन्स ट्रॉफीवर नाव कोरलं होतं. याची दखल सरकारने घेतली.
