प्रत्येक माता-पित्याची इच्छा असते की, त्यांचे मूल आत्मविश्वासी व्हावे. त्याने स्वतःच्या निर्णयांवर विश्वास ठेवावा आणि आयुष्यातील आव्हानांना ठामपणे सामोरे जावे. मुलांमध्ये आत्मविश्वास आपोआप वयाबरोबर येत नाही, तर तो घरातील वातावरण आणि पालकांच्या संगोपनातून घडतो. काही छोटे-छोटे उपाय अवलंबल्यास तुम्ही तुमच्या मुलांना आत्मविश्वासू आणि मानसिकदृष्ट्या मजबूत बनवू शकता.
त्यांचे बोलणे लक्ष देऊन ऐका
- मुलांना त्यांचे बोलणे महत्त्वाचे वाटावे असे वाटते.
- जेव्हा तुम्ही त्यांचे बोलणे लक्षपूर्वक ऐकता, तेव्हा त्यांना वाटते की त्यांच्या मताला किंमत आहे. छोट्या-छोट्या यशावरही कौतुक करा
- मुलांच्या प्रत्येक यशाचे, अगदी छोट्या गोष्टीचेही कौतुक करा.
- “खूप छान केलंस”, “वा, तू प्रयत्न केलास” असे शब्द त्यांच्यात “मी करू शकतो” असा विश्वास निर्माण करतात.
चुका करू द्या
- मुलांना चुका करण्यापासून रोखू नका.
- चुका केल्यामुळेच त्यांना शिकण्याची आणि अधिक मजबूत होण्याची संधी मिळते.
- त्यांना समजवा की चुका म्हणजे अपयश नसून शिकण्याचा एक भाग आहे.
स्वतः काम करू द्या
मुलं जेव्हा स्वतः छोटे-छोटे काम करतात, जसे की बूट घालणे, बॅग तयार करणे, होमवर्क करणे, तेव्हा त्यांच्यात “मी करू शकतो” ही भावना विकसित होते.
तुलना कधीही करू नका
- तुलना केल्याने मुलांचा आत्मविश्वास कमी होतो.
- प्रत्येक मुलामध्ये वेगळी क्षमता आणि प्रतिभा असते.
- इतरांसारखे बनण्याऐवजी स्वतःला अधिक चांगले बनवण्यासाठी त्यांना प्रेरित करा.
सकारात्मक वातावरण ठेवा
घरातील वातावरण शांत आणि सकारात्मक असेल तर मुलांमध्येही सकारात्मक विचारसरणी विकसित होते.
