वयानुसार पुरुषांच्या फर्टिलिटीवर परिणाम; योग्य आहार आणि जीवनशैलीने प्रजनन क्षमता वाढवता येते
मुल जन्माला आणण्याच्या प्रक्रियेत स्त्रीइतकंच पुरुषाचंही महत्त्व आहे. परंतु बहुतेकदा समाजात असे मानले जाते की, फक्त स्त्रियांचे वय फर्टिलिटीवर परिणाम करते, तर पुरुषांना वयाची काही मर्यादा नसते. हे पूर्णपणे चुकीचे आहे. पुरुषांच्या वयानुसारही शुक्राणूंची संख्या आणि गुणवत्ता कमी होते, ज्यामुळे प्रजनन क्षमतेवर परिणाम होतो.
तज्ज्ञांच्या मते, 20 ते 30 वर्षे पुरुषांसाठी बाप होण्यासाठी योग्य वय मानले जाते. 30 वर्षांनंतर टेस्टोस्टेरोनचा स्तर दरवर्षी 1% ने कमी होतो, तर 35 वर्षांनंतर स्पर्म काउंट कमी झाल्याचे अनेक अभ्यास दाखवतात. याचा अर्थ असा की, योग्य वयात बाप होण्याचा निर्णय पुरुषांसाठी महत्वाचा आहे.
आजच्या धावपळीच्या जीवनशैलीचा पुरुषांच्या फर्टिलिटीवर प्रभाव दिसतो. स्मोकिंग, मद्यपान, घट्ट अंडरवियर, अपुरी झोप यामुळे स्पर्मची गुणवत्ता कमी होऊ शकते. अनेकदा जर कपल्सना मूल होत नसेल, तर स्त्रीला दोषी मानलं जातं, पण अनेक प्रकरणांमध्ये पुरुषांची फर्टिलिटीच कमी असते. अशा परिस्थितीत दोघांनीही तपासणी करून योग्य उपचार घ्यावे.
तज्ज्ञांचा सल्ला असा की, प्रजनन क्षमता सुधारण्यासाठी संतुलित आहार घेणे गरजेचे आहे. आहारात भाजीपाला, फळे, दही, हळद, ऑलिव्ह ऑइल, भोपळ्याच्या बिया, सूर्यफुलाच्या बिया, बदाम, अक्रोड, डाळी आणि कडधान्ये** यांचा समावेश केल्यास शरीराची फर्टिलिटी सुधारण्यास मदत होते.
योग्य वयात बाप होणे आणि निरोगी जीवनशैली अंगीकारल्यास प्रजनन क्षमता टिकवता येते, तसेच मुलांच्या आरोग्यासाठी देखील फायदेशीर ठरते
