तुम्हीही सतत नखे (nails )खाता का? हि सवय लवकरात लवकर सोडा अन्यथा तुमच्या पाठी आजार (diseases )लागतील. अनेकांना नखे खाण्याची सवय असते. कामात मग्न असताना, विचार करत असताना किंवा चिंतेत असताना नकळतपणे नखे खाल्ली जातात. पण यामुळे आरोग्याचे गंभीर नुकसान होऊ शकते व आजारही होऊ शकतात. अनेकदा आपण पाहिलं असेल की बऱ्याच जाणंना नखे खाण्याची फार सवय असते. म्हणजे विचार करत असताना, टिव्ही पाहत असताना, किंवा चिंतेत असताना काहीजण नकळत बोटांची नखे खातात किंवा कुरतडतात. ही सवय लहानानपासून ते मोठ्यांपर्यंत सर्वांमध्ये असते. पण ही सवय आरोग्यासाठी खूप हानिकारक असू शकते. दातांनाही नुकसान पोहोचवू शकते आणि आजार होण्याचाही धोका असतो.
लोक नखे का चावतात? त्याची काय कारणे असतील? एका सिद्धांतानुसार नखे चावल्याने लोकांना त्यांच्या भावनांवर नियंत्रण ठेवण्यास मदत होते असे सांगितले आहे. या सवयीमुळे तुमच्या आरोग्यावर हानिकारक परिणाम होऊ शकतो. अमेरिकन डेंटल असोसिएशनच्या मते, नखे चावल्याने दात किडतात आणि जर तुमच्याकडे ब्रेसेस असतील तर नखे चावल्याने दातांची मुळे किडतात, ज्यामुळे दात किडण्याचा धोका लक्षणीयरीत्या वाढतो.
संशोधनानुसार, नखे चावणाऱ्यांना ब्रुक्सिझम नावाचा आजार देखील होण्याचा धोका जास्त असतो. ब्रुक्सिझम, ज्याला सामान्य भाषेत दात घासणे म्हणतात, ही एक सवय आहे जी बहुतेक लोक नकळत करतात. या सवयीमुळे डोकेदुखी, चेहऱ्यावर वेदना, दातांची संवेदनशीलता वाढते आणि अगदी दात किडणे देखील होऊ शकते. एवढंच नाही तर दातांवरील इनॅमल खराब होऊ शकते.
दातांना (teeth)नुकसान होण्याव्यतिरिक्त, नखे चावल्याने बॅक्टेरियाच्या संसर्गाचा धोका देखील वाढू शकतो. तुमच्या दातांमध्ये ई. कोलाई आणि साल्मोनेला सारखे धोकादायक रोग निर्माण करणारे बॅक्टेरिया असू शकतात. जेव्हा तुम्ही तुमचे नखे चावता तेव्हा हे बॅक्टेरिया तुमच्या बोटांमधून तुमच्या तोंडात आणि आतड्यांमध्ये जाऊ शकतात, ज्यामुळे गंभीर आजार होऊ शकतात. जे लोक सवयीने नखे चावतात त्यांना पॅरोनीचियाचा धोका वाढतो. ज्यामुळे बोटांमध्ये संसर्ग, सूज आणि पू तयार होऊ शकतो.
