सण-समारंभ असो किंवा अचानक झालेली गोड खाण्याची इच्छा, मोदक म्हटलं की डोळ्यासमोर येते ती म्हणजे उकड काढण्याची मोठी प्रक्रिया. पण आजच्या धावपळीच्या युगात प्रत्येकाकडे एवढा वेळ नसतो. अशा वेळी इन्स्टंट रवा मोदक हा एक ‘स्मार्ट’ पर्याय ठरतो. रवा वापरून बनवलेले हे मोदक इतके मऊ होतात की तोंडात टाकताच विरघळतात. चला तर मग जाणून घेऊया, साच्याशिवाय किंवा साच्याने झटपट रवा मोदक कसे बनवायचे.
मोदकासाठी लागणारे साहित्य (Ingredients) –
(बारीक रवा) 1 वाटी, (दूध) 2 वाट्या, (साखर) अर्धी वाटी, (साय) किंवा (तूप) 2 मोठे चमचे, (वेलची पूड) 1 छोटा चमचा , सारणासाठी: गुळ आणि ओलं खोबरं किंवा सुका मेवा
कृती –
- दुधाला उकळी आणा: एका कढईत 2 वाट्या दूध गरम करायला ठेवा. त्यात १ चमचा तूप आणि साखर टाका. साखरेमुळे मोदकाच्या वरच्या आवरणाला छान चव येते.
- रवा मिक्स करा: दुधाला उकळी आली की गॅसची फ्लेम कमी करा. आता यात 1 वाटी भाजलेला बारीक रवा हळूहळू टाका आणि सतत ढवळत राहा जेणेकरून गुठळ्या होणार नाहीत.
- वाफ काढा: रव्याने सर्व दूध शोषून घेतल्यावर कढईवर 2-3 मिनिटे झाकण ठेवा. वाफेमुळे रवा छान फुलून येईल आणि मऊ होईल.
- पीठ मळून घ्या: मिश्रण थोडे कोमट असतानाच एका परातीत काढून घ्या. हाताला थोडे तूप लावून हे पीठ 5 मिनिटे छान मळून घ्या. पीठ जितके मऊ मळाल, तितके मोदक छान येतील आणि फुटणार नाहीत.
- मोदक वळा: आता या पिठाचे छोटे गोळे करून त्यात गुळ-खोबऱ्याचे सारण भरा. तुम्ही साच्याचा वापर करून किंवा आधी सांगितलेल्या ‘टूथपिक ट्रिक’ ने हाताने कळ्या पाडून मोदक तयार करू शकता.
