दिवसभराच्या धावपळीनंतर संध्याकाळी अचानक भूक लागणे ही खूप सामान्य गोष्ट आहे. मुलं शाळेतून आल्यावर किंवा आपण कामावरून घरी परतल्यावर लगेच काहीतरी खायला हवं असतं. कधी कधी अचानक पाहुणे आल्यावर काय झटपट बनवायचं, हा प्रश्नही अनेकांना पडतो. अशा वेळी कमी वेळात तयार होणारे आणि आरोग्यदायी पर्याय माहित असणं खूप उपयोगी ठरतं.
अशाच काही सोप्या आणि पौष्टिक स्नॅक्सच्या कल्पना तुम्ही घरच्या घरी सहज करून पाहू शकता.
मसालेदार मखाना हा हलका पण पौष्टिक पर्याय आहे. भाजलेले मखाने, त्यात कांदा, टोमॅटो, सिमला मिरची, लिंबाचा रस आणि चाट मसाला घालून चविष्ट चाट तयार करता येते.
स्वीट कॉर्न चाट देखील एक झटपट होणारा पदार्थ आहे. उकडलेले कॉर्न, काकडी, टोमॅटो आणि थोडी हिरवी मिरची यांचा वापर करून बनवलेला हा पदार्थ चवदार आणि पोटभर असतो.
पनीर टिक्का हा प्रोटीनयुक्त स्नॅक आहे. पनीर मसाल्यात मॅरिनेट करून हलक्या आचेवर भाजल्यास एक हेल्दी आणि टेस्टी डिश तयार होते.
स्प्राऊट भेळ हा कडधान्यांपासून बनणारा पौष्टिक पर्याय आहे, जो विशेषतः मुलांसाठी फायदेशीर ठरतो.
भाजलेले चणे हे सोपे आणि पटकन खाता येणारे स्नॅक असून त्यात फायबर आणि लोह मुबलक प्रमाणात असते.
फ्रेंच फ्राईज हा अनेकांचा आवडता पदार्थ आहे. घरच्या घरी तयार केल्यास तो तुलनेने सुरक्षित पर्याय ठरतो आणि त्यात मीठ किंवा चाट मसाला घालून चव वाढवता येते.
बटाटा वडा हा पारंपरिक आणि पोटभरणारा पदार्थ आहे, जो पटकन तयार होतो आणि सर्वांनाच आवडतो.
तसेच, वेळ थोडा अधिक असेल तर वेजिटेबल सँडविच हा हलका आणि पौष्टिक पर्याय ठरतो, ज्यात विविध भाज्यांचा समावेश करता येतो.
हे सर्व पदार्थ कमी वेळात तयार होतात आणि संध्याकाळच्या छोट्या भुकेसाठी उत्तम पर्याय ठरतात.
