महाराष्ट्राचे माजी आमदार आणि राष्ट्रवादी काँग्रेस पक्षाचे (NCP) नेते झीशान सिद्दीकी (Zeeshan Siddique) यांना जीवे मारण्याची धमकी मिळाली आहे. त्याला ई-मेलद्वारे जीवे मारण्याची धमकी देण्यात आली आहे. तक्रारीनंतर वांद्रे पोलिसांनी अज्ञात व्यक्तीविरुद्ध एफआयआर देखील नोंदवला. या प्रकरणी अधिक तपास सुरू आहे. याशिवाय, त्याच्या घराची सुरक्षाही वाढवण्यात आली आहे. धमकीबाबत, झीशान सिद्दीकी यांनी दावा केला की, धमकीच्या ईमेलमध्ये म्हटले होते की जर त्याने डी-कंपनीचा सदस्य असल्याचा दावा करणाऱ्या व्यक्तीला १० कोटी रुपये दिले नाहीत तर त्याला त्याचे वडील बाबा सिद्दीकी यांच्याप्रमाणेच मारले जाईल.
Zeeshan Siddique झीशानच्या घराबाहेर सुरक्षा व्यवस्था कडक
महाराष्ट्रातील प्रमुख नेत्यांमध्ये गणले जाणारे बाबा सिद्दीकी यांच्या हत्येनंतर त्यांचा मुलगा झिशानची सुरक्षा वाढवण्यात आली होती, परंतु आता नवीन धमकीनंतर त्यांची सुरक्षा आणखी वाढवण्यात आली आहे. वांद्रे पश्चिमेतील झीशानच्या घराबाहेर अत्याधुनिक शस्त्रास्त्रांनी सुसज्ज पोलिस दल तैनात करण्यात आले आहे. वांद्रे वेस्ट टर्नर रोडवरील इमारतीबाहेर एकूण १० एसआरपीएफ पोलिस तैनात करण्यात आले आहेत आणि इमारतीच्या आत ८ कमांडो आणि विशेष शस्त्रांसह ६ पोलिस तैनात करण्यात आले आहेत. ही पोलिस सुरक्षा २ शिफ्टमध्ये दिली जाईल. याशिवाय, झीशानच्या ताफ्यात दोन पोलिस व्हॅन देखील तैनात करण्यात आल्या आहेत. एका पोलिस अधिकाऱ्याने सांगितले की, धमकीची तक्रार मिळाल्यानंतर पोलिसांनी जीवे मारण्याची धमकी आणि खंडणी मागण्याच्या प्रकरणाची चौकशी सुरू केली आहे. तसंच झीशान सिद्दीकीचा जबाबही नोंदवला जाणार आहे.
Zeeshan Siddique तसेच १० कोटी रुपयांची मागणी केल्याचा आरोप
माजी आमदार झीशान सिद्दीकी यांनी वृत्तसंस्था पीटीआयला सांगितले की, “गेल्या ३ दिवसांत मला अनेक ईमेल पाठवण्यात आले आहेत, ज्यात असे म्हटले आहे की जर तुम्ही १० कोटी रुपये दिले नाहीत तर बाबा सिद्दीकीप्रमाणे तुमचीही हत्या केली जाईल. ईमेल पाठवणाऱ्या व्यक्तीने डी-कंपनीचा सदस्य असल्याचा दावा केला आणि पोलिसांशी संपर्क न करण्याचा इशाराही दिला.”
राष्ट्रवादी काँग्रेस पक्षाचे (एनसीपी) नेते झीशान म्हणाले की, “त्यांच्या वैयक्तिक ईमेल अकाउंटवरून त्यांना धमकीचे ईमेल पाठवण्यात आले होते. ते म्हणाले की ईमेल पाठवणाऱ्या व्यक्तीने दावा केला आहे की बाबा सिद्दीकीच्या हत्येमागे लॉरेन्स बिश्नोई टोळीचा हात नाही, तर ‘डी-कंपनी’चा हात आहे.” ‘डी-कंपनी’ हे नाव दाऊद इब्राहिमच्या मुंबईतील संघटित गुन्हेगारी सिंडिकेटला देण्यात आले आहे. दाऊद सध्या पाकिस्तानात राहतो.
झीशान सिद्दीकी म्हणाले, “सतत येणाऱ्या धमकीच्या ईमेलमुळे मी कंटाळलो होतो आणि वांद्रे पोलिसांशी संपर्क साधला.” याबाबत पोलिस अधिकाऱ्याने सांगितले की, पोलिसांचे एक पथक झीशानच्या वांद्रे येथील निवासस्थानी जाऊन त्याचा जबाब नोंदवला आहे.
