बीसीसीआयने २०२४ – २०२५ या हंगामासाठी (१ ऑक्टोबर २०२४ ते ३० सप्टेंबर २०२५) (BCCI central contract २०२५ नवीन केंद्रीय कराराची घोषणा केली आहे. यामध्ये रोहित शर्मा, विराट कोहली, जसप्रीत बुमराह आणि रवींद्र जडेजा यांना पुन्हा एकदा ए प्लस श्रेणीत कायम ठेवण्यात आले आहे.श्रेयस अय्यरला बी प्लस श्रेणीत स्थान मिळाले असून, ईशान किशनचा समावेश सी श्रेणीत करण्यात आला आहे. विशेष म्हणजे याआधी बीसीसीआयने श्रेयस अय्यर आणि ईशान किशनला केंद्रीय करारातून वगळले होते. ऋषभ पंतनंही प्रगती करत वरिष्ठ खेळाडूंच्या गटात आपली जागा पक्की केली आहे. मागील वर्षी पंत बी श्रेणीत होता, मात्र यंदा त्याची बढती होऊन त्याला ए श्रेणीत स्थान देण्यात आले आहे. त्यामुळे आता ऋषभ पंतला वर्षाला ५ कोटी रुपयांचा मानधन मिळणार आहे.
याशिवाय हर्षित राणा, अभिषेक शर्मा, नितीश कुमार रेड्डी आणि वरुण चक्रवर्ती यांच्यासह आठ खेळाडूंना पहिल्यांदाच केंद्रीय करारात समाविष्ट करण्यात आले आहे. दुसरीकडे, शार्दुल ठाकूर, जितेश शर्मा, केएस भरत आणि आवेश खान यांना यंदा करारातून वगळण्यात आले आहे. हे चारही खेळाडू मागील हंगामात सी श्रेणीत होते. दरम्यान, रोहित शर्मा, विराट कोहली आणि रवींद्र जडेजा यांनी टी-20 आंतरराष्ट्रीय क्रिकेटमधून निवृत्ती जाहीर केली असली, तरीही त्यांना त्यांच्या मूळ श्रेणीतच कायम ठेवण्यात आले आहे.
- रोहित शर्मा, विराट कोहली, जसप्रीत बुमराह आणि रवींद्र जडेजा हे ए प्लस श्रेणीत असल्यामुळे त्यांना १ कोटी रुपये मिळणार
- शुभमन गिल, मोहम्मद सिराज, लोकेश राहुल, मोहम्मद शमी, हार्दिक पांड्या, ऋषभ पंत यंदा देखील हे ए प्लस श्रेणीत असल्यामुळे त्यांना ५ कोटी रुपये मिळणार
- श्रेयस अय्यर, सूर्यकुमार यादव, कुलदीप यादव, अक्षर पटेल, यशस्वी जैस्वाल हे ब प्लस श्रेणीत असल्यामुळे त्यांना १ कोटी मिळणार
- ऋतुराज गायकवाड, शिवम दुबे, रिंकू सिंग, वॉशिंगटन सुंदर, रवी बिष्णोई, संजू सॅमसन, मुकेश कुमार, प्रसिद्ध कृष्ण, अर्शदीप सिंग, ध्रुव जुरेल, रजत पाटीदार, नितीशकुमार रेड्डी, सर्फराज खान, अभिषेक शर्मा, ईशान किशन, वरून चक्रवर्ती, आकाश दीप, हर्षित राणा हे क श्रेणीत असल्यामुळे त्यांना १ कोटी मिळणार
