सध्या सगळीकडे पर्यटकांची गर्दी पाहायला मिळत आहे. (Tarkarli sea) त्यात समुद्र किनारा म्हटलं की, अलोट गर्दी आणि दुर्दैवी घटना हे अनेकदा पाहायला मिळतं. अशी एक घटना सिंधूदुर्ग जिल्ह्यातील मालवण तालूक्यातील तारकर्ली समुद्रात घडली आहे.
पुण्यातील पाच पर्यटक येथे पाण्यात उतरले असताना बुडाले आहेत. यातील दोघांचा दुर्दैवी मृत्यू झाला आहे. तर दोघे बाचावले असून एक जण गंभीर जखमी आहे. हे पाच जण जेव्हा आंघोळीसाठी जात होते तेव्हा त्यांना इतर नागरिकांनी खबरदारी घेण्याच्या सुचना दिल्या होत्या. मात्र त्यांनी त्याकडे दुर्लक्ष केले.
त्यानंतर जेव्हा ते बुडाले तेव्हा उपस्थितांनी त्यांना वाचवण्यासाठी शर्थीचे प्रयत्न केले. मात्र त्यातील दोघांचा मृत्यू झाला आहे. तर तिघांनाच पण्यातून बाहेर काढण्यात यश आले. यातील दोघा जणांची प्रकृती ठीक आहे. तर एक जण गंभीर आहे. त्यांना रूग्णालयात दाखल करण्यात आले आहे.
यामध्ये शुभम सुशील सोनवणे (हडपसर, पुणे) रोहित बाळासाहेब कोळी (हडपसर, पुणे) यांचा मृत्यू झाला आहे. तर ओंकार रामचंद्र भोसले (पुणे) याची प्रकृती गंभीर आहे. अशी माहिती मालवण पोलिस निरीक्षक प्रवीण कोल्हे यांनी दिली. तसेच ते बचावलेल्या दोघांकडे पुढील तपास करत आहेत.
