संतोष देशमुख यांच्या हत्या प्रकरणावरून आक्रमकपणे लढा देणारे आमदार सुरेश धस यांनी धनंजय मुंडे यांची भेट घेतल्याची बातमी समोर आली (Chandrashekhar Bawankule) आणि राज्यात एकच खळबळ उडाली. ही बातमी खुद्द भाजप प्रदेशाध्यक्ष चंद्रशेखर बावनकुळे यांनीच फोडली त्यामुळे अनेक अंगाने चर्चेला उधान आलं आहे. दरम्यान, बावनकुळेंच्या या खुलाशावर स्पष्टीकरण देता देता आमदार धसांना नाकीनव आलेत अशी स्थित आहे. आज बावनकुळे यांनी माध्यमांशी बोलताना पुन्हा एकदा यावर भाष्य केलं आहे. ते माध्यमांशी बोलत होते.
भाजपने आमदार सुरेश धस यांना शांत राहायला सांगितलय असा थेट प्रश्न माध्यामांनी विचारला असता, बावकुळे म्हणाले तुम्हला कुणी सांगितलं की त्यांना शांत राहायला सांगितय? असं काहीही नाही. मुख्यमंत्री देवेंद्र फडणवीस आणि भाजप पक्ष म्हणून पूर्णपणे सुरेश धस यांच्या पाठीशी उभा आहे. त्यांनी फडणवीसांचं पाठबळ आहे. त्यामुळे धस हे आक्रमकपणे लढत आहेत आणि लढत राहतील. त्यांनी कुणीही थांबवलं नाही आणि संतोष देशमुख यांच्या मारेकऱ्यांना फाशीची शिक्षा होईपर्यंत त्यांनी कुणी थांबवणारही नाहीत असंही बावनकुळे म्हणाले आहेत.
Chandrashekhar Bawankule चंद्रशेखर बावनकुळे काय म्हणाले होते?
धनंजय मुंडे आणि सुरेश धस दोघेही इमोशनल आहेत. दोघांमध्ये थोडे मतभेद आहेत, ते दूर होतील. थोडा काळ माणसाच्या जीवनात असा असतो, काळ मतभेद दूर करतो. धनंजय मुंडे आणि सुरेश धस यांचे मतभेदकाही काळाने दूर होतील. मी पक्षाचा अध्यक्ष आहे, माझ्याकडे दोघेही भेटले. धनंजय मुंडेंनी भाजपच्या प्रवासासोबत माझ्यासोबत काम केलं आहे. धनंजय मुंडे आणि सुरेश धस यांच्यातील भेट त्यामुळे ही पारिवारीक भेट झाली आहे. आम्ही तिघेही परिवार म्हणून बसलो होतो. त्यांच्या मतभेद आहेत, मनभेद नाहीत.
