यंदा पाकिस्तानात आयसीसीच्या चॅम्पियन्स ट्रॉफी (Champions Trophy 2025) स्पर्धा होणार आहेत. या स्पर्धेआधीच भारतीय संघासाठी धक्कादायक बातमी आहे. जसप्रित बुमराह (Jasprit Bumrah) टीम इंडियाचा स्टार गोलंदाज संघात दिसणार नाही. बुमराह पाठीच्या दुखण्याने त्रस्त झाला आहे. अजूनही तो पूर्णपणे तंदुरुस्त झालेला नाही. त्यामुळे बुमराह संघाबाहेर राहणार आहे. बुमराहच्या जागी हर्षित राणाला संधी मिळाली आहे. हर्षितने जबरदस्त कामगिरी मागील काही सामन्यांत केली आहे. या स्पर्धेत आता त्याच्या कामगिरीकडे लक्ष राहणार आहे.
ऑस्ट्रेलिया विरूद्धच्या कसोटी सामन्यात जानेवारी महिन्यात बुमराह दुखापतग्रस्त झाला होता. त्यामुळे इंग्लंड विरूद्धच्या सिरीजमध्येही त्याला खेळता आले नव्हते. आता चॅम्पियन्स ट्रॉफीतही बुमराह दिसणार नाही. बंगळुरूत त्याची तपासणी करण्यात आली होती. त्याला कोणतीही गंभीर समस्या मात्र यात दिसली नव्हती. परंतु, सध्या तो गोलंदाजीसाठी पूर्णपणे तंदुरुस्त नाही. बुमराहच्या स्थितीवर बीसीसीआयचे मेडिकल पथक लक्ष ठेऊन आहे.
दुखापतीमुळे जसप्रित बुमराह (Jasprit Bumrah) संघातून बाहेर झाला आहे. ही त्याची दुसरी वेळ आहे. याआधी 2022 मध्ये ऑस्ट्रेलियात (Australia) खेळल्या गेलेल्या टी 20 वर्ल्डकप स्पर्धेत (T20 World Cup) पाठीच्या दुखण्याने बुमराहला संघाबाहेर बसावे लागले होते. यानंतर त्याच्यावर शस्त्रक्रिया करण्यात आली होती. चॅम्पियन्स ट्रॉफीतून त्यालाआता बाहेर पडावे लागले आहे.
Jasprit Bumrah बुमराहच्या जागी हर्षित, यशस्वीऐवजी वरुण
आयसीसीने सर्व आठ संघाना टीम घोषित करण्यासाठी 11 फेब्रुवारीपर्यंत मुदत दिली होती. या मुदतीनंतर जर संघात बदल करायचा असेल तर टूर्नामेंटच्या तांत्रिक समितीकडून मंजुरी घ्यावी लागणार आहे. बुमराहच्या जागी हर्षित राणाला संधी देण्यात आली आहे. हर्षितने इंग्लंड विरूद्धच्या मालिकेत आंतरराष्ट्रीय क्रिकेटमध्ये पदार्पण केले आहे. दुसरीकडे यशस्वी जैस्वालऐवजी वरुण चक्रवर्तीला संधी मिळाली आहे.
