भारतीय कर्णधार रोहित शर्माचा काही काळ खराब फॉर्म राहिला. त्यानंतर त्याच्या फॉर्मवर अनेक चर्चा झाल्या. मात्र, तो पुन्हा एकदा फॉर्मात आल्याचं दिसतय. (Rohit Sharma) कटकमध्ये खेळल्या गेलेल्या दुसऱ्या एकदिवसीय सामन्यात इंग्लंडविरुद्ध रोहित शर्माने (IND vs ENG) शानदार शतक झळकावून विक्रमांचा नवा रेकॉर्ड केला.
रोहितने केवळ ७६ चेंडूत षटकार मारून आपले शतक पूर्ण केले, जे त्याच्या एकदिवसीय कारकिर्दीतील ३२ वे शतक आहे. एकदिवसीय क्रिकेटमध्ये सर्वाधिक शतके करणारा रोहित जगातील तिसरा फलंदाज आहे. या दरम्यान रोहित शर्माने स्टीव्हन स्मिथला मागं टाकलं आहे. विशेष म्हणजे एकदिवसीय क्रिकेटमध्ये सर्वाधिक शतकं झळकावणाऱ्या फलंदाजांच्या यादीतील टॉप-३ मधील तिघेही भारतीय फलंदाज आहेत.
५० शतकांसह विराट कोहली अव्वल स्थानावर आहे तर ४९ शतकांसह सचिन तेंडुलकर दुसऱ्या स्थानावर आहे. त्याच वेळी, रोहित ३२ शतकांसह तिसऱ्या स्थानावर आहे. रोहित आता आंतरराष्ट्रीय क्रिकेटमध्ये सर्वाधिक शतके करणारा तिसरा भारतीय फलंदाज बनला आहे. द्रविडने आंतरराष्ट्रीय क्रिकेटमध्ये ४८ शतके झळकावली आहेत तर रोहितने ४९ शतके झळकावण्याचा पराक्रम केला आहे.
रोहित शर्माने ९० चेंडूत १२ चौकार आणि ७ षटकारांसह ११९ धावांची खेळी केली. अशाप्रकारे, तो आंतरराष्ट्रीय क्रिकेटमध्ये सर्वाधिक शतके करणारा तिसरा सक्रिय खेळाडू ठरला. त्याने या बाबतीत स्टीव्हन स्मिथचा विक्रम मोडला. आता स्टीव्हन स्मिथ चौथ्या क्रमांकावर आहे.
IND vs ENG एकदिवसीय क्रिकेटमध्ये सर्वाधिक शतकं झळकावणारे फलंदाज
विराट कोहली – ५० शतके
सचिन तेंडुलकर – ४९ शतके
रोहित शर्मा – ३२ शतके
रिकी पॉन्टिंग – ३० शतके
सनथ जयसूर्या – २८ शतके
IND vs ENG आंतरराष्ट्रीय क्रिकेटमध्ये सर्वाधिक शतकं झळकावणारे खेळाडू (सक्रिय खेळाडू)
८१ – विराट कोहली (६१० डाव)
५२ – जो रूट (४६८ डाव)
४९ – रोहित शर्मा (५२६ डाव)
४८ – स्टीव्ह स्मिथ (४१० डाव)
४६ – केन विल्यमसन (४३३ डाव)
३१ – बाबर आझम (३५० डाव)
