काही दिवसांपूर्वी लक्ष्मण उतेकर दिग्दर्शित ‘छावा’ या (Chhava Movie) चित्रपटाचा बहुप्रतिक्षित ट्रेलर प्रदर्शित झाला. या ट्रेलरला प्रेक्षकांकडून दमदार प्रतिसाद मिळाला. त्यातील एका दृश्यावरून मात्र काहींनी आक्षेप नोंदवला होता. तो सीन काढल्याशिवाय आम्ही चित्रपट प्रदर्शित होऊ देणार नाही, अशी भूमिका काहींनी घेतली होती. या वादाच्या पार्श्वभूमीवर ‘छावा’ चित्रपटाचे दिग्दर्शक लक्ष्मण उतेकर हे आज मनसे अध्यक्ष राज ठाकरे यांची भेट घेणार आहेत. छत्रपती संभाजी महाराजांना या चित्रपटात नृत्य करताना दाखवल्याने वाद उपस्थित झाला आहे. या वादानंतर आता लक्ष्मण उतेकर हे राज ठाकरेंना भेटणार आहेत. त्यापूर्वी चित्रपटातील वादग्रस्त भाग काढून टाकल्याची माहिती मंत्री उदय सामंत यांनी दिली.
दिग्दर्शकांनी ‘छावा’ या चित्रपटातील छत्रपची संभाजी महाराजांचा नाचण्याचा भाग काढून टाकल्याची माहिती मंत्री उदय सामंत यांनी दिली. नृत्य दाखवल्यावरून झालेला वाद आता थांबला असेल, अशी अपेक्षाही सामंत यांनी व्यक्त केली. “मी स्वत: चित्रपटाच्या दिग्दर्शकांना फोन केला होता. त्यानंतर घडलेली सकारात्मक गोष्ट म्हणजे चित्रपटातील नाचण्याचा भाग त्यांनी काढून टाकला आहे”, असं ते म्हणाले. ‘छत्रपती संभाजी महाराजांच्या सन्मानाला बाधा पोहोचेल अशी कुठलीही गोष्ट खपवून घेतली जाणार नाही,’ असा इशारा सामंतांनी दिला होता. या चित्रपटाविषयी त्यांनी एक्स (ट्विटक) अकाऊंटवर पोस्ट लिहिली होती.
‘लाडक्या बहि‍णीं’मुळे तिजोरीत खडखडाट, सरकारचं मोठं नुकसान; SBI नं दिला गंभीर इशारा
धर्मरक्षक, स्वराज्यरक्षक छत्रपती संभाजी महाराज यांच्या जीवनावर आधारित हिंदी चित्रपट बनणे ही आनंदाची गोष्ट आहे, छत्रपतींचा इतिहास जगाला समजावा यासाठी असे प्रयत्न आवश्यक आहेत. मात्र, काही आक्षेपार्ह दृश्ये या चित्रपटात असल्याबाबत अनेकांनी मतं व्यक्त केली आहेत. हा चित्रपट तज्ज्ञ आणि जाणकारांना आधी दाखवण्यात यावा त्याशिवाय प्रदर्शित करू नये अशी आमची भूमिका आहे. आता उदय सामंत यांनी पुन्हा माध्यमांना प्रतिक्रिया दिली आहे. त्यात ते म्हणाले, मी स्वतः काल निर्माते आणि दिग्दर्शक यांना फोन केला होता. त्यात सकारात्मक बाजू आहे की नाचण्याचा भाग होता तो काढून टाकण्यात आला आहे.
