गेल्या दोन दिवासंपासून विरोधक असणाऱ्या विविध राजकीय नेत्यांकडून मुख्यमंत्री देवेंद्र फडणवीस (Devendra Fadnavis) यांच्यावर कौतुकाचा वर्षाव केला जात आहे. काही केल्या हा कौतुकाचा सोहळा थांबताना दिसत नसून,त्यांच्यावर स्तुतीसुमनांचा वर्षाव पहिले राऊत, मग सुप्रिया सुळे आणि आता खासदार अमोल कोल्हेंनी एक्सवर फडणवीसांचा व्हिडिओ पोस्ट करत केला आहे. (Opposition Leaders Makes Continues Shower On CM Fadnavis)
Devendra Fadnavis हो आम्ही फडणवीसांचे कौतुक केले – राऊत
काल (दि.3) रोजी ठाकरे गटाचे मुखपत्र असलेल्या सामनाच्या संपादकीयमधून देवेंद्र फडणवीसांचे (Devendra Fadnavis) अभिनंदन करण्यात आले होते. फडणवीसांचे एवढेच काय तर इतरवेळी विरोधाची राळ उठवणाऱ्या संजय राऊतांनीही (Sanjay Raut) जाहीरपण कौतुक केले होते. ज्यात राऊतांनी प्रसारमाध्यमांशी बोलताना आम्ही देवेंद्र फडणवीस यांचे अभिनंदन केले आहे. कौतुक, का? तर, सरकारने चांगले काम केले आहे. महाराष्ट्र राज्य आम्ही विरोधी पक्षात असलो तरी आमचे आहे असे म्हटले होते.
Devendra Fadnavis एकटेच फडणवीस मिशन मोडवर – सुळे
कौतुकाची चर्चा राऊतांच्या आणि सामनातील संपादकीयमधील थोडी थांबत नाही तोच मुख्यमंत्री एकमेव अॅक्टिव आहे आणि ती म्हणजे देवेंद्र फडणवीस असे खासदार सुप्रिया सुळे यांनी देखील सध्याच्या सरकारमध्ये फक्त म्हणत कौतुक केले होते. फडणवीसांच्या आळंदी येथील कार्यक्रमाचा व्हिडिओ शेअर करत त्यानंतर आता त्यांच्या कृतीचे कौतुक शरद पवार गटाचे खासदार अमोक कोल्हेंनी केले आहे.
Devendra Fadnavis आळंदीतील कार्यक्रमात फडणवीसांनी नेमकं काय केलं?
आळंदीत काल (दि.4) संत कृतज्ञता कार्यक्रमात मुख्यमंत्री देवेंद्र फडणवीस सहभागी झाले होते. यावेळी फडणवीसांचा जिरेटोप भेट म्हणून देण्यात आला. मात्र, हा जिरेटोप फडणवीसांनी घालण्यास नम्रपणे नकार देत त्याला आदरपूर्वक नमस्कार करत तो परत दिला. सोशल मीडियावर फडणवीसांच्या या कृतीचा व्हिडिओ मोठ्या प्रमाणात व्हायरल होत असून, त्यांच्या या विनम्रकृतीचे सर्वच स्तरातून कौतुक केले जात आहे.
Devendra Fadnavis फडणवीसांच्या कृती मनाला भावणारी – कोल्हे
मुख्यमंत्री देवेंद्र फडणवीस यांनी एका सार्वजनिक कार्यक्रमात भेट म्हणून देण्यात आलेला जिरेटोप घालण्यास नम्रपणे नकार दिला, जिरेटोपास श्रध्देने वंदन करून योग्य सन्मान केला ही कृती अतिशय स्तुत्य व स्वागतार्ह आहे. कोल्हेंनी त्यांच्या एक्स पोस्टमध्ये राजकीय मतभेद असले, तरी शिवशंभू विचारांचा पाईक म्हणून ही कृती मनाला भावणारी असल्याचे म्हटले आहे.
