फक्त दोन दिवस आता 2024 वर्ष (Year Ender 2024) संपण्यासाठी राहिले आहेत. अशा अनेक घटना या वर्षभरात घडल्या ज्या सहजासहजी विसरणे शक्य होणार नाही. या वर्षात अनेक घटना फक्त भारतातच नाही तर जगात घडल्या आहेत. या घटनांच्या जगाच्या राजकारण आणि समाजकारणावरील परिणाम दीर्घकाळ राहणार आहे.या अशा कोणत्या घटना होत्या ज्या कायम स्मरणात राहतील चला तर मग जाणून घेऊ .
Year Ender 2024 राम मंदिर प्राण प्रतिष्ठा
अयोध्येत मंदिराचं (Ram Mandir) बांधकाम सुप्रीम कोर्टाने सन 2019 मध्ये निर्णय (Supreme Court) दिल्यानंतर सुरू झालं. आणि 22 जानेवारी 2024 मध्ये मंदिराची पंतप्रधान नरेंद्र मोदी (PM Narendra Modi) यांच्या हस्ते प्राणप्रतिष्ठा करण्यात आली.
Year Ender 2024 डोनाल्ड ट्रम्प यांची वापसी
नोव्हेंबर महिन्यात अमेरिकेत राष्ट्रपती पदाच्या निवडणुका झाल्या. इलेकटोरल कॉलेज मध्येडोनाल्ड ट्रम्प यांना 295 आणि 226 मते कमला हॅरिस यांना मिळाली. आता ट्रम्प राष्ट्रपती म्हणून 20 जानेवारी 2025 रोजी शपथ घेणार आहेत.
Year Ender 2024 अयोध्येत भाजपचा पराभव
लोकसभा निवडणुकीत भाजपला मोठा धक्का बसला. भाजपला बहुमत पार करण्याचा दावा करणाऱ्या फक्त 240 जागा मिळाल्या. 80 पैकी फक्त 37 जागा उत्तर प्रदेशातील मिळाल्या. भाजपसाठी सर्वाधिक निराश करणारा निकाल अयोध्येचा राहिला. राम मंदिराची प्राण प्रतिष्ठा ज्या अयोध्येत मोठ्या उत्साहात करण्यात आली. तेथील फैजाबाद मतदारसंघात भाजपचा पराभव झाला. येथे समाजवादी पार्टीचे उमेदवार अवधेश प्रसाद यांनी भाजपचे लल्लू सिंह यांचा 50 हजार मतांच्या फरकाने पराभव केला.
Year Ender 2024 तिरुपती लाडू वाद
याच वर्षात तिरुपती मंदिरातील भेसळीचे प्रकरण समोर आले होते. आंध्र प्रदेशचे मुख्यमंत्री चंद्राबाबू नायडू यांनीच हे प्रकरण उजेडात आणले होते. मंदिरातील लाडू प्रसाद तयार करण्यासाठी आधीच्या जगन मोहन रेड्डी यांच्या सरकारच्या काळात जनावरांची चरबी आणि फिश ऑईल वापरण्यात येत होते असे त्यांनी सांगितले होते. टीडीपी सरकारने वरिष्ठ आयएएस अधिकारी जे. श्यामला राव यांना तिरुपती देवस्थानच्या एक्झिक्युटिव्ह ऑफिसरपदी नियुक्त केले. त्यांनीच प्रसादाचा दर्जा तपासण्याचे आदेश दिले होते.
Year Ender 2024 बांगलादेशातील सत्तापालट
सन 1971 मध्ये बांगलादेशक्या स्वातंत्र्याच्या लढाईत भाग घेणाऱ्या लोकांना सरकारी नोकरीत 30 टक्के कोटा दिला जात होता. या विरोधातच विद्यार्थ्यांनी आंदोलन सुरू केलं. हळूहळू या आंदोलनाने हिंसक वळण घेतलं. पंतप्रधान शेख हसीना यांना त्यामुळे देश सोडावा लागला. आता 2025 या वर्षाच्या शेवटी किंवा 2026 च्या सुरुवातीला बांग्लादेशात निवडणुका होण्याची शक्यता आहे.
Year Ender 2024 राहुल गांधी विरोधी पक्षनेते
काँग्रेस नेते आणि रायबरेलीचे खासदार राहुल गांधी पहिल्यांदा लोकसभेत विरोधी पक्षनेते बनले. दहा वर्षानंतर लोकसभेला विरोधी पक्षनेता मिळाला. मागील दोन निवडणुकीत काँग्रेसकडे आवश्यक 10 टक्के सीट शेअर नव्हता त्यामुळे विरोधी पक्षनेते पदासाठी काँग्रेसला दावा करता आला नव्हता.
Year Ender 2024 सीरियातही सत्तापालट
सारियात अनेक वर्षांपासून गृहयुद्धाची परिस्थिती होती. राष्ट्रपती बशर अल असद यांच्या विरुद्ध अनेक गट संघर्ष करत होते. 27 नोव्हेंबर रोजी विद्रोही गटांनी शहरांवर कब्जा करण्यास सुरुवात केली. यानंतर मुख्य गटाने बशर अल असद यांना देश सोडून जाण्यास भाग पाडलं. असद यांनी देश सोडल्यानंतर अनेक शहरांत जल्लोष करण्यात आला. सीरियात असद परिवार मागील 53 वर्षांपासून सत्तेत होता.
Year Ender 2024 लेबनॉन पेजर हल्ल्याने हादरले
लेबनॉनमध्ये हिजबुल्लाच्या सदस्यांना ठार करण्यासाठी इस्त्रायलने पेजरचा हत्याराच्या रुपात वापर केला. यामधील विस्फोटक पदार्थाचा अगदी वेळेवर स्फोट झाला. हिजबुल्लाचे दहशतवादी सुद्धा या पद्धतीचा सातत्याने वापर करत होते. इस्त्रायलनेही नंतर त्यांना त्यांच्याच भाषेत उत्तर दिले. विशेष म्हणजे इस्त्रायलने अत्यंत संयमाने आणि नियोजनपूर्वक ही कारवाई घडवून आणली.
