महायुतीने (Mahayuti) मोठी मुसंडी विधानसभा निवडणुकीत (Vidhansabha Election)मारली. राज्यात महायुतीला 230 हून अधिक जागा मिळाल्या. आता सत्ता स्थापनेच्या हालचाली सुरू असतानाच मराठा आंदोलक मनोज जरांगे पाटील (Manoj Jarange Patil) यांनी मराठा आरक्षणासाठी इथून पुढचे सामूहिक आंदोलन आझाद मैदानावर (Azad Maidan) होणार असून मुंडक्यावर पाय देऊन आरक्षण घेणार सरकार कुणाचे ही असो, असा इशारा जरांगेंनी दिला.
जरांगे हे रविवारी अंतरवली सराटी येथून तुळजापूर आणि पंढरपूर येथे दर्शनासाठी निघाले होते. त्यांचा ताफा धाराशिव जिल्ह्यात दाखल होताच सर्वत्र त्यांचे जंगी स्वागत करण्यात आले. त्यांनी पत्रकारांशी तुळजाभवानी देवीचे दर्शन घेतल्यानंतर संवाद साधला. यावेळी त्यांनी सामूहिक आमरण उपोषणाने आरक्षणाची पुढील लढाई केली जाईल, मुंबईतील आझाद मैदानावरही कदाचित हे उपोषण होऊ शकते. जरांगेंनी आता आरक्षणाची ही चळवण थांबणार नसल्याचं स्पष्ट केलं.
मुख्यमंत्री देवेंद्र फडणवीस होणार; एकनाथ शिंदे काय भूमिका घेणार?
आंतरवली सराटीसह प्रत्येक घरात हे उपोषण केलं जाईल, असं जरांगे म्हणाले मराठा समाजाशिवाय महाराष्ट्रात कोणाचीही सत्ता स्थापन होऊ शकत नाही. मोठ्या संख्येने यावेळी मराठा समाजाने ओबीसी आमदारही निवडून दिल्याचं जरांगे म्हणाले. निवडणुकीत जरांगेंनी उमेदवार रिंगणात उतरवण्याची तयारी केली होती. मात्र, ऐनवेळी त्यांनी माघार घेतली. याबाबत बोलतांना ते म्हणाले की, विधानसभा निवडणुकीच्या दरम्यान, फॉर्म्युला जुळून आला नाही. अन्थथा सुपडा साप केला असता.
