देवेंद्र फडणवीस यांनी काळजीवाहू मुख्यमंत्री एकनाथ शिंदे यांना आज फोन करुन त्यांच्या तब्येतीची विचारपूस केली. साताऱ्यातील दरे गावात एकनाथ शिंदे गेल्यानंतर ते आजारी पडले. (Eknath Shinde)देवेंद्र फडणवीसांनी त्यानंतर आज फोन करुन त्यांची विचारणा केली. दरम्यान, गेल्या तीन दिवसांपासून एकनाथ शिंदे दरेगावी मुक्कामी असून आज ते ठाण्यासाठी रवाना होणार आहेत, अशीही माहिती समोर येत आहे.
Eknath Shinde एकनाथ शिंदे आज मुंबईत परतणार-
एकनाथ शिंदे आज मुंबईत परतणार असल्याची शक्यता आहे. एकनाथ शिंदे साताऱ्यातील दरे गावात मुक्कामी होते. परंतु, ते डॉक्टरांनी त्यांना आजारी पडल्याने आराम करण्याचा सल्ला दिला होता. त्यानुसार काल विश्रांती घेतली त्यांनी आणि डॉक्टरांनी त्यांची काही प्रमाणात तब्येत बरी असल्याची माहिती दिली. त्यामुळे आज दुपारी ते मुंबईला परतण्याची शक्यता आहे.
थंडीच्या कडाक्यात पावसाची एन्ट्री, ‘या’ जिल्ह्यांत पावसाचा अंदाज
Eknath Shinde 2 डिसेंबर रोजी स्पष्ट होणार
महायुतीच्या मुख्यमंत्रिपदाचा चेहरा कोण याचं उत्तर अद्याप मिळालेलं नाही. मात्र, महाराष्ट्राच्या 31 व्या मुख्यमंत्रिपदाचा शपथविधी सोहळा 5 डिसेंबर रोजी होणार असल्याची माहिती आहे. विशेष म्हणजे, या वृत्ताला विधानसभा अध्यक्ष राहुल नार्वेकर यांनीही दुजोरा दिला आहे. महाराष्ट्राचे व महायुतीचे मुख्यमंत्री भाजप नेते देवेंद्र फडणवीस हेच होतील, राजकीय विश्लेषक असा अंदाज वर्तवत आहेत. तर, देवेंद्र फडणवीस यांचंच नाव दिल्लीच्या बैठकीत निश्चित झाल्याची सूत्रांची माहिती आहे.
