दक्षिण मुंबईतील डोंगरी भागातील एका निवासी इमारतीला बुधवारी दुपारी भीषण आग लागली. सँडहर्स्ट रोड स्थानकाजवळील निशाणपाडा परिसरात असलेल्या अन्सारी हाइट्स नावाच्या एका (Mumbai Cylinder Blast) उंच इमारतीला आग लागली. आगीचे कारण सिलिंडरचा स्फोट असल्याचे सांगण्यात येत आहे.
15 मजली इमारतीला 14 व्या मजल्यासह काही मजल्यांना आगीने वेढले. मुंबई अग्निशमन दलाने सुरुवातीला आगीला लेव्हल-1 आगीची घटना घोषित केली. बचावकार्यासाठी अग्निशमन दलाच्या अनेक गाड्या घटनास्थळी पोहोचल्या. मात्र, परिसरातील गर्दी आणि अरुंद रस्त्यांमुळे त्यांना आग विझवण्यात अडथळा येत आहे.
अग्निशमन विभागाच्या प्राथमिक अहवालानुसार या घटनेत कोणतीही जीवितहानी झाली नाही. सध्या या भागात बचावकार्य सुरू असून अग्निशमन दलाचे जवान आग विझवण्याचे प्रयत्न करत आहेत.
