महायुतीने थेट 200चा टप्पा पार महाराष्ट्र विधानसभा निवडणुकीमध्ये करत निर्विवाद बहुमत मिळविले. त्यानंतर मुख्यमंत्रिपदाची चर्चा सुरू झाल्यानंतर भाजपा तसेच शिवसेनेकडून दावे करण्यात येत आहेत. मात्र, मुख्यमंत्रीपद ज्यांच्या जास्त जागा त्यांना या सूत्राप्रमाणे भाजपाकडे असेल आणि पक्षाचे ज्येष्ठ नेते देवेंद्र फडणवीस (Devendra Fadnavis) यांची त्यासाठी निवड करण्यात आली असून दिल्लीत पक्षश्रेष्ठींकडून शिक्कामोर्तब झाल्याचे विश्वसनीय सूत्रांनी दिली. (Green signal to Fadnavis’s name from the party leadership in Delhi for the post of Chief Minister)
विधानसभा निवडणुकीतील विजयानंतर महायुतीतील एकनाथ शिंदे यांच्या शिवसेनेकडून मुख्यमंत्रिपदावर दावा करण्यात आला आहे. यासाठी त्यांनी बिहार पॅटर्नचा दाखला दिला आहे. विधानसभा निवडणूक नितीश कुमार बिहारमध्ये जनता दल युनायटेडचे नेते आणि भाजपाने एकत्रितरित्या लढली होती. मात्र, भाजपाने नितीश कुमार यांना जदयूला कमी जागा मिळाल्यानंतरही मुख्यमंत्रिपद दिले होते. राज्यातही हाच बिहार पॅटर्न लागू करून एकनाथ शिंदे यांना पुन्हा मुख्यमंत्री करावे, अशी अपेक्षा शिवसेनेचे खासदार नरेश म्हस्के यांनी व्यक्त केली आहे.
विद्यमान विधानसभेचा आजचा शेवटचा दिवस; राज्यात राष्ट्रपती राजवट लागणार का?
तथापि, कोणाची निवड मुख्यमंत्रिपदासाठी करायची, याचा निर्णय भाजपाचे पक्षश्रेष्ठी राजधानी दिल्लीत करणार आहेत. कारण, या निवडणुकीत भाजपाने 132 जागांचा विक्रमी आकडा गाठला आहे. 2014मध्ये मोदी लाटेत भाजपाने 122 जागा जिंकल्या होत्या. त्यानंतर 105 जण भाजपाचे 2019मध्ये निवडून आले हेते, पण 132 जागा यावेळी भाजपाने जिंकत मोदी लाटेचा रेकॉर्डही मोडला आहे. हे सारे यश देवेंद्र फडणवीस यांच्या दूरदृष्टीमुळेच मिळाल्याने ते मुख्यमंत्रिपदाचे दावेदार ठरतात, असे भाजपा नेत्यांचे म्हणणे आहे. पक्षाकडून मुख्यमंत्रीपदाची घोषणा होण्यास विलंब होत असल्याने फडणवीस समर्थकांमध्ये अस्वस्थता आहे. अशातच भाजपाच्या नवनिर्वाचित आमदारांसह भाजपाला पाठिंबा देणार्‍या अपक्ष आमदारांनी फडणवीस यांच्या नावाचा आग्रह धरला आहे. या पार्श्वभूमीवर दिल्लीत भाजपा पक्षश्रेष्ठींनी देवेंद्र फडणवीस यांच्या नावावर मुख्यमंत्रिपदासाठी शिक्कामोर्तब केल्याचे सांगण्यात येते. केंद्रीय गृहमंत्री अमित शहा हे आज, मंगळवारी केंद्रीय निरीक्षक म्हणून मुंबईत येत असून त्यांच्याकडून फडणवीस यांच्या नावाची घोषणा करण्याची शक्यता आहे.
Devendra Fadnavis मुख्यमंत्री, उपमुख्यमंत्र्यांचा राजीनामा
मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यांनी, आज मंगळवारी सकाळी राजभवनावर जाऊन आपल्या पदाचे राजीनामे राज्यपाल सी. पी. राधाकृष्णन यांच्याकडे सुपूर्द केले. राज्यपालांनी या तिघांचे राजीनामे स्वीकारले. मात्र, नवे सरकार स्थापन होईपर्यंत राज्यपालांनी काळजीवाहू मुख्यमंत्री म्हणून एकनाथ शिंदे यांच्याकडेच जबाबदारी सोपविली. यावेळी मुंबईचे पालकमंत्री दीपक केसरकर आणि मंत्री दादा भुसे हेसुद्धा उपस्थित होते. (Maharashtra Politics : Green signal to Fadnavis’s name from the party leadership in Delhi for the post of Chief Minister)
