विधानसभा निवडणुकीत (Vidhansabha Election) महायुतीला (Mahayuti) मोठे यश मिळाले आहे. 234 जागांवर महायुतीने विजय मिळवला. तर, अवघे 10 उमेदवार राष्ट्रवादी काँग्रेस शरदचंद्र पवार पक्षाचे विजयी झालेत. दरम्यान, विधानसभा निवडणुकीच्या निकालानंतर शरद पवारांनी (Sharad Pawar) प्रथमच माध्यमांशी संवाद साधला.
विधानसभा निवडणुकीत शरद पवारांनी महाराष्ट्र पिंजून काढला होता. आता त्यांचे वय 83 वर्षे आहे. शरद पवार त्यामुळे विधानसभा निवडणुकीतील अपयशानंतर निवृत्त होणार का? ही चर्चा सुरू झाली. शरद पवार यांनी त्या प्रश्नावर बोलताना दोन शब्दात उत्तर दिलं. माझ्या निवृत्तीची वेळ विरोधकांनी सांगू नये, असं ते म्हणाले.
पवारांनी माध्यमांशी संवाद साधला. यावेळी ते बोलत होते. पुढं ते म्हणाले की, निवडणुकीनिमित्ताने मी संपूर्ण राज्यात फिरला. महाविकास आघाडीच्या नेत्यांनी, कार्यकर्त्यांनी चांगली मेहनत घेतली होती. हा निकाल पण जशी अपेक्षा होती तसा लागला नाही. शेवटी हा लोकांनी दिलेला हा निर्णय आहे. न्यायालयात जाण्याचा त्यामुळे या निकालाविरोधातआमचा विचार नाही. तर पराभवाची कारणमीमांसा करून नव्या जोमाने पुन्हा लढू. आमच्या सोबत जी युवा पिढी काम करते, त्यांचा आत्मविश्वास वाढवण्यासाठी लक्ष केंद्रीत करणार आहे, असं पवार म्हणाले. पुढच्या काळात झेडपी, महानगरपालिका, पंचायत समिती निवडणुका होणार असून त्यासाठी जोरदार तयारी करणार, असं ते म्हणाले.
राज्यात 26 नोव्हेंबरनंतर राष्ट्रपती राजवट? चर्चांना उधाण, जाणून घ्या इतिहास
पवार म्हणाले की, मतांचे ध्रवीकरण बटेंगे तो कटेंगे या घोषणेमुळे झालं. शिवाय, महायुती सत्तेत आली नाही तर लाडकी बहीण योजना बंद होईल, आम्ही सत्तेत राहिले तरच योजना सुरू राहील, असा प्रचार सत्ताधाऱ्यांनी केला. त्याचा मोठा परिणाम निवडणुक निकालवर झाला, असं पवार म्हणाले.
Sharad Pawar ईव्हीएमवर पवार काय म्हणाले?
उद्धव ठाकरे यांनी पराभवाचे खापर ईव्हीएमवर फोडले. शरद पवार त्यावर याबाबत बोलताना म्हणाले की, जोपर्यंत अधिकृत माहिती येत नाही, तोपर्यंत मी या विषयावर बोलणार नाही. महाराष्ट्रात निवडणुकीसाठी आलेले ईव्हीएम मध्य प्रदेशातून आल्याची चर्चा असल्याचं माध्यम प्रतिनिधींनी पवारांना सांगितले. त्यावर पवार म्हणाले, ईव्हीएम मध्य प्रदेशातून आले की, गुजरातमधून यासंदर्भात जोपर्यंत माझ्याकदडे अधिकृत माहिती येत नाही, तोपर्यंत मी काहीही बोलणार नाही.
