भारतातील अदानी समूहाचे प्रमुख गौतम अदानी (Gautam Adani) आणि इतर सात जणांवर अमेरिकेत (US) मोठ्या प्रमाणात लाचखोरी आणि फसवणूक केल्याचा आरोप आहे. हे वृत्त रॉयटर्स आणि ब्लूमबर्ग यांनी 21 नोव्हेंबर रोजी दिले होते. या अहवालानुसार अदानी समूहाने (Adani Group) सौरऊर्जेचे कंत्राट मिळवण्यासाठी भारतीय अधिकाऱ्यांना लाच दिली. गौतम अदाणी आणि त्यांचा पुतण्या सागर अदाणी यांनी कंत्राट मिळविण्यासाठी 2,000 कोटी रुपयांची लाच दिल्याचा आरोप करण्यात आलाय.
मीडिया रिपोर्ट्सनुसार, यूएस सिक्युरिटीज अँड एक्सचेंज कमिशनने गौतम अदानी यांच्यावर अमेरिकन गुंतवणूकदारांची फसवणूक आणि अधिकाऱ्यांना लाच दिल्याचा आरोप केला आहे. त्याच्यासोबत त्याचा पुतण्या सागर अदानी, अदानी ग्रीन एनर्जीचे अधिकारी आणि अझुरे पॉवर ग्लोबल लिमिटेड सिरिल कॅबनेस यांनाही आरोपी करण्यात आले आहे. त्याच्यावर सिक्युरिटीज आणि वायर फसवणूक करण्याचा कट रचल्याचा आरोप आहे.
यंदा राज्यात 65.02 टक्के मतदान
अहवालात असं नमूद केलंय की, अभियोजकांनी दावा केला आहे की अदानी आणि त्यांच्या सहकाऱ्यांनी अंदाजे 265 दशलक्ष डॉलर्सची लाच दिली. या करारांमुळे दोन दशकांत 2 अब्ज डॉलर्सचा नफा होईल, अशी शक्यता त्यांनी व्यक्त केली. काही लोकांनी गौतम अदानी यांच्यासाठी “नंबो उनो” आणि “द बिग मॅन” सारख्या कोड नावांचा वापर केल्याचा आरोप सरकारी वकिलांनी केला आहे.
याशिवाय, गौतम अदानी, सागर अदानी आणि विनीत जैन यांच्यावर अदानी ग्रीन एनर्जीसाठी 3 अब्ज डॉलर्सपेक्षा जास्त कर्ज मिळवण्यासाठी सावकार आणि गुंतवणूकदारांकडून लाच लपवल्याचा आरोप आहे. हे आरोप फॉरेन करप्ट प्रॅक्टिसेस ऍक्ट अंतर्गत येतात, जो परदेशी व्यवसाय लाचखोरी विरुद्ध यूएस कायदा आहे.
गौतम अदानी आणि सागर अदानी यांच्याविरोधात अटक वॉरंट जारी करण्यात आलंय. यूएस सिक्युरिटीज अँड एक्स्चेंज कमिशननेही त्याच्यावर आणि सिरिल कॅबनेसवर दिवाणी आरोप दाखल केलेत. या व्यक्तींवरील आरोपांबाबत अमेरिकन सरकारने अद्याप संपूर्ण माहिती दिलेली नाही.
हिंडेनबर्ग रिसर्चच्या घटनेनंतर हे प्रकरण गौतम अदानींसाठी आणखी एक धक्का आहे. या वर्षाच्या सुरुवातीला, हिंडेनबर्गने या गटावर ऑफशोर टॅक्स हेव्हन्सचा अयोग्यरित्या वापर केल्याचा आरोप केला.
