राज्यात विधानसभा निवडणुकीसाठी (Assembly Election 2024) मतदान सुरू आहे. राज्यात ठीकठिकाणी दुपारनंतर मतदानाने वेग घेतला आहे. सकाळच्या टप्प्यात मतदानाचा वेग संथ होता. दुपारच्या मतदानाने वेग घेतला होता. नागरिकांनी घरातून बाहेर पडत मतदान केंद्रांची वाट धरली. त्यामुळे मतदान केंद्रांवर मतदारांच्या रांगा लागल्या होत्या. दुपारी तीन वाजेपर्यंत राज्यात सरासरी 45.53 टक्के मतदान झाले आहे.
अहिल्यानगर जिल्ह्यातील 12 मतदारसंघांत सरासरी 47.85 टक्के मतदान झाले आहे. याआधी दुपारी एक वाजेपर्यंत 32.90 टक्के मतदान झाले होते. तर राज्यात दुपारी तीन वाजेपर्यंत सरासरी 45.53 टक्के इतके मतदान झाले आहे.
बारामतीत बोगस मतदान, शर्मिला पवारांचा आरोप, अजितदादांनी केले आरोपाचे खंडन
गडचिरोली जिल्ह्यात दुपारी तीन वाजेपर्यंत सरासरी 62.99 टक्के मतदान झाले होते. तर शहरी भागातील जिल्ह्यांत मतदानाचा वेग मंदावल्याचे दिसून आले. दुपारी तीन वाजेपर्यंत ठाण्यात सर्वात कमी म्हणजे 38.94 टक्के मतदान झाले होते. तर मुंबई शहरात दुपारी तीन वाजेपर्यंत 39.34 टक्के मतदान झाले.
राज्यातील विधानसभा निवडणुकीसाठी आज राज्यातील 288 मतदारसंघात मतदान होत आहे. अहिल्यानगर जिल्ह्यात मतदानासाठी निवडणूक आयोगाने जय्यत तयारी केली. मतदान केंद्रांवर पोलीस बंदोबस्त तैनात करण्यात आला आहे. तसेच मतदानासाठी येणाऱ्या नागरिकांना कोणतीही अडचण येणार नाही याची काळजी घेण्यात येत आहे.
