माजी गृहमंत्री अनिल देशमुख यांच्यावर अज्ञात व्यक्तीकडून जीवघेणा हल्ला करण्यात आला. देशमुखांच्या डोक्याला त्यातील एक दगड लागल्याने ते जखमी झाले. (Anil Deshmukh) या परिसरात त्यामुळे तणावाची स्थिती निर्माण झाली आहे. नागपूर येथे देशमुख हे उपचारासाठीआले आहेत. दगडफेक करणारे भाजपचे कार्यकर्ते होते आणि त्यांनी भाजपच्या घोषणा देऊन गाडीवर दगडफेक केल्याचा दावा कार्यकर्त्यांनी केला आहे. दरम्यान, शरद पवार यांनी यावर प्रतिक्रिया दिली आहे.
अनिल देशमुख महाराष्ट्राचे आणि विशेषत: विदर्भाचे महत्त्वाचे नेते आहेत. त्यांच्यावर दगडफेक करणं किंवा हल्ला करणं, असा प्रकार होईल, अशी चर्चा आम्ही यापूर्वी तिथं ऐकली होती. आम्ही या घटनेचा निषेध करतो, अशा शब्दांत शरद पवार यांनी प्रतिक्रिया दिली आहे. तर, बारामतीच्या खासदार सुप्रिया सुळे यांनी या प्रकरणावर भाष्य केलं आहे. राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते अनिल देशमुख यांच्यावरप्रचार संपवून परत जात असताना काही समाजकंटकांनी भ्याड हल्ला केला. ही अतिशय दुर्दैवी आणि संतापजनक घटना आहे. आम्ही सर्वजण या हल्ल्याचा निषेध करतो. निवडणुकीच्या काळात अशा पद्धतीने हल्ला करणारी मानसिकता या राज्यात कधीही नव्हती असा संताप त्यांनी व्यक्त केला आहे.
मी असेल किंवा नसेल; ज्येष्ठ नेते एकनाथ खडसे यांनी असं वक्तव्य का केलं?
हे राज्य लोकशाही विचारांना मानणारे राज्य आहे. पण राज्यातील विशेषतः नागपूर जिल्ह्यातील कायदा सुव्यवस्थेची दुर्दशा भाजपाच्या काळात झाली असून गुंडांना मोकळे रान मिळाले आहे. या घटनेची सखोल चौकशी होऊन देशमुख साहेबांवर हल्ला करणारे हल्लेखोर आणि त्यांचे मास्टरमाईंड गजाआड झाले पाहिजेत ही आमची मागणी आहे, असंही सुप्रिया सुळे म्हणाल्या आहेत.
Anil Deshmukh काय घडलं?
अनिल देशमुख यांचे चिरंजीव सलील देशमुख हे काटोल मतदारसंघात रिंगणात आहेत. अनिल देशमुख हे सलील यांच्या प्रचारासाठी जलालखेडा परिसरातील नरखेड तालुक्यातील एका गावात गेले होते. परत येत असताना अचानक त्यांच्या वाहनावर दगडफेक करण्यात आली. वाहनाच्या काचा उघड्या असल्याने एक दगड त्यांच्या डोक्याला लागला आहे. रक्तस्त्राव होत असल्याने त्यांना तातडीने ग्रामीण रुग्णालयात उपचारासाठी नेण्यात आलं.
