आता शेवटचे दोन दिवस विधानसभा निवडणुकीच्या प्रचारासाठी शिल्लक आहेत. बुधवारी विधानसभा निवडणुकीसाठी मतदान होणार आहे. तर तेवीस नोव्हेंबरला शनिवारी मतमोजणी होणार आहे. दरम्यान आज गडचिरोलीच्या वडसा येथे काँग्रेस नेत्या प्रियंका गांधी (Priyanka Gandhi) यांची प्रचार सभा झाली, या प्रचारसभेत बोलताना त्यांनी पुन्हा एकदा भाजप आणि पंतप्रधान नरेंद्र मोदी यांच्यावर जोरदार हल्लाबोल केला आहे.
Priyanka Gandhi नेमकं काय म्हणाल्या प्रियंका गांधी?
आमची घटना मजबूत, महाराष्ट्र ही मार्गदर्शक भूमी आहे. ही संघर्षाची भूमी आहे. संतांनी एकजुटतेचा संदेश दिला. घटना सांगते, सर्वांचे प्रतिनिधित्व हवे. मोठ्या संस्था काँग्रेसनं उभारल्या, पण आज उद्योग महाराष्ट्रातून बाहेर जात आहेत. 10 लाख कोटींची गुंतवणूक बाहेर गेली. मोदींच्या राज्यात कुणीही सुरक्षित नाही, जिथे आम्ही सरकार बनविले, गॅरंटी दिली, लगेच पूर्ण केली. छत्तीसगडमध्ये आणि अन्य राज्यात हेच झाले. भाजपाचं या उलट आहे, यांच्याकडे उत्तर नाही. हे भावना भडकावून निवडणूक जिंकतात. यांनी उत्तरदायित्वाची परंपरा संपविली. प्रियकां गांधी यांनी काहीही बोलायचे आणि जिंकायचे असे चालणार नाही, असा घणाघात यावेळी केला आहे.
राधाकृष्ण विखे पाटील यांचा राहुरी तालुक्यात झंझावाती दौरा
त्या पुढे म्हणाल्या की, महिला अधिक श्रम करतात. महागाई वाढली प्रत्येक गोष्टीवर जीएसटी आहे. शिक्षण घेणाऱ्याचे भविष्य नाही. रोजगार नाही सरकार श्रमाचे समर्थन करत नाही. विमानतळ, पोर्टवर रोजगार मिळायचा पण आता तेही उदोगपतींना देत आहेत. सरकारी कंपन्यात कंत्राटी पद्धत सुरू आहे. बेरोजगारी वाढली आहे तरुणांची सर्वाधिक संख्या महाराष्ट्रात पण योग्य धोरणं नाहीत. चरा महिन्यांपूर्वी लाडकी बहीण योजना आणली,, आपल्याकडून कर म्हणून घेतलेले पैसे आहेत, तेच देत आहेत. आपल्या सर्वांवर टॅक्स वाढला, उद्योपतींवर नाही, कर्ज माफ केले नाही. शेतकरी अडचणीत आहेत, सोयाबीनला भाव मिळत नाही, असा हल्लाबोल प्रियंका गांधी यांनी भाजप सरकारवर केला आहे.
