जोगेश्वरी राडा प्रकरण: ठाकरे गटाच्या कार्यकर्त्याला अटक
शिवसेना शिंदे गटाचे खासदार रवींद्र वायकर यांचा मातोश्री क्लब बाहेर राडा आणि त्यांचा महिला कार्यकर्त्यांचा विनयभंग केल्याप्रकरणी ठाकरे गटाचे एका शिवसैनिकाला एमआयडीसी पोलिसांनी अटक केली आहे.
खासदार रवींद्र वायकर यांच्या चार महिला कार्यकर्त्यांचा ठाकरे गटाचे शिवसैनिकांनी मातोश्री क्लब बाहेर राडा मध्ये विनयभंग केल्याप्रकरणी एमआयडीसी पोलीस स्टेशन मध्ये चार शिवसैनिकांचा विरोधात गुन्हा दाखल झाला होता. याच प्रकरणांमध्ये एमआयडीसी पोलिसांनी ठाकरे गटाचे शिवसैनिक विलास जाधव याला अटक केली आहे.
भाजप पदाधिकाऱ्याच्या कार्यलयात हल्ला
कल्याणध्ये भाजप पदाधिकाऱ्याच्या कार्यलयात हल्ला झाल्याची घटना समोर आली आहे. याचा व्हिडीओ सोशल मीडियावर व्हायरल झालाय. जुगल उपाध्याय भाजपचे सोशल मीडिया संयोजक आहेत. उपाध्याय यांच्या कार्यलयात येऊन दोघांनी मारहाण करत केली तोफफोड झाली.
विधानसभेसाठीचा मनसेचा जाहीरनामा उद्या प्रसिद्ध होणार
विधानसभेसाठीचा मनसेचा जाहीरनामा उद्या प्रसिद्ध होणार आहे. राज ठाकरे यांच्या हस्ते उद्या प्रसिद्ध होणार आहे.\
माजी खासदार हरिश्चंद्र चव्हाण यांचं निधन
भाजपचे नेते आणि दिंडोरी लोकसभा मतदारसंघाचे माजी खासदार हरिश्चंद्र चव्हाण यांचं निधन झालय. गेल्या अनेक वर्षांपासून हरिश्चंद्र चव्हाण दुर्धर आजार अशी लढत होते.
