संभाजी पाटील निलंगेकरांच्या माध्यमातून निलंगा विधासभा मतदारसंघातील लोकांना एक काम करणारा नेता मिळाला आहे. त्यासाठी लोक त्यांना भरघोस मतांनी निवडून देतील असा विश्वास मला आहे अशा शब्दांत केंद्रीय मंत्री आणि भाजपचे ज्येष्ठ नेते नितीन गडकरी (Nitin Gadkari) यांनी संभाजी पाटील ( Sambhaji Patil ) यांची स्तुती केली. ते निलंग्यात प्रचारसभेत बोलत होते.
यावेळी माझ्याकडे संभाजी पाटील यांनी काही रस्त्यांची आणि पुलांची मागणी केली. त्या दोन्ही मागण्या मी मान्य करून त्या लवकर पुर्ण करतो अशी घोषणाही गडकरी यांनी यावेळी केली. तसंच, दमदार नेता म्हणून कार्यकर्ता म्हणून संभाजी पाटील यांचा महाराष्ट्राला परिचय आहे असंही गडकरी यावेळी म्हणाले. त्याचबरोबर मी इथून पुढेही त्यांच्या कोणत्याही कामासाठी त्यांच्यासोबत असेल असंही गडकरी यावेळी म्हणाले.
पाण्याच्या योग्य नियोजनामुळे आंबेगावातील शेतकऱ्यांचे आयुष्य सुजलाम सुफलाम झाले : वळसे पाटील
सध्या लातूर जिल्ह्यातील अनेक काम पूर्ण झाली आहेत. पुण्याला जाण्यासाठीचा एक चारपदरी रस्त्याचं काम बाकी आहे. ते कामही मी लवकरच पूर्ण करणार आहे असंही गडकरी यांनी आश्वासन दिलं. विदर्भात आणि महाराष्ट्रात आम्ही रस्त्याची काम करत असताना अनेक ठिकाणी तलाव, काही विहिरी याचं गाळ काढून काम करतो. त्यामुळे शेतकऱ्यांनाही मोठी मदत झाली असंही गडकरी यावेळी म्हणाले.
