पंतप्रधान नरेंद्र मोदी यांची महाविकास आघाडीवर जहरी टीका
पंतप्रधान नरेंद्र मोदी यांची तोफ आज धुळ्यात धडाडली. आपल्या भाषणाची सुरुवात त्यांनी मराठी भाषेत केली आणि त्यानंतर त्यांनी महाविकास आघाडीवर टीका करण्यात सुरुवात केली. “लोकांची लूट करणं हे मविआचं धोरण आहे. मविआ सरकार हे विश्वासघाताने तयार झालेलं सरकार आहे.कॉंग्रेसने आदिवासींकडे कधीही लक्ष दिलेलं नाही. विरोधक हे माझी लाडकी बहिण योजनेच्या विरोधात कोर्टात गेले आहेत. कॉंग्रेस कधीच दलितांना, वंचितांना पुढे जाताना पाहु शकत नाही.राष्ट्रपती द्रौपदी मुर्मु यांनी हटवण्यासाठी कॉंग्रेसने ताकद लावली होती.”अशा शब्दात पंतप्रधानांनी मविआवर टीकास्त्र सोडलं आहे.
पंढरपूरचे काॅंग्रेस उमेदवार भगीरथ भालके यांना पुन्हा मोठा धक्का..
पंढरपूरच्या माजी नगराध्यक्षा उज्वला भालेराव यांच्या त्यांचे समर्थक माजी नगरसेवक महादेव धोत्रे,ऋषीकेश भालेराव यांनी भालकेंची साथ सोडली. भाजपचे माजी आमदार प्रशांत परिचारक यांच्या उपस्थितीत केला भाजपमध्ये प्रवेश केला होता. भाजप उमेदवार समाधान आवताडे यांना समर्थन दिले. कालच मंगळवेढा येथील समविचारी आघाडीने भालकेंची साथ सोडली त्यानंतर आज पंढरपुरातील अनेक निष्ठावंत कार्यकर्त्यांनी भाजपला पाठिंबा दिला आहे.’
पंतप्रधान नरेंद्र मोदी यांची आज धुळ्यात सभा
महाराष्ट्र विधानसभा निवडणुकीच्या प्रचाराची सुरुवात पंतप्रधान नरेंद्र मोदी धुळे शहरातून करणार आहेत. धुळे शहरातील दसरा मैदान येथे त्यांची सभा संपन्न होणार असून, सकाळी 10:30 वाजेला पंतप्रधान नरेंद्र मोदीयांची धुळे शहरात प्रचारसभा पार पडणार आह. या ठिकाणी सभेला एक लाखांपेक्षा अधिकचा जनसमुदाय असेल असा दावा आयोजकांनी व्यक्त केला आहे. तर 3000 पेक्षा अधिकचा पोलीस बंदोबस्त तैनात करण्यात आलेला आहे. धुळे शहर, धुळे ग्रामीण, साक्री, शिरपूर, शिंदखेडा आणि मालेगाव ग्रामीण या मतदार संघाच्या प्रचारासाठी मोदी हे आज सभा घेत आहेत, या सभेमध्ये मोदी नेमकं काय बोलनार याकडे सर्वांचे लक्ष लागलेलं आहे.
पुण्यात बॉम्ब ठेवल्याच्या अफवेने खळबळ
शहरात एकीकडे विमानात बॉम्ब ठेवल्याच्या अफवांचे कॉलमुळे विमान प्रशासनाला हैराण करून सोडल्याची घटना मागील काही दिवसात घडल्या त्यातच आता बुधवारी कात्रज परिसरातील एका वैद्यकीय महाविद्यालयालाही धमकीचा ई-मेल आला आहे.
नाना पटोले यांच्या खंदे समर्थक हंसा खोब्रागडे यांचा काँग्रेसचा राजीनामा
Maharashtra Marathi News Live Updates : भंडारा जिल्ह्यातील काँग्रेसच्या (महिला आघाडीचा) प्रदेश सरचिटणीस हंसा खोब्रागडे यांनी प्राथमिक सदस्य पदाचा राजीनामा दिला.एकेकाळी जिल्हा परिषद सदस्य आणि सभापती राहिलेल्या हंसा खोब्रागडे नाना पटोले यांच्या खंदे समर्थक मानले जातात. जिधर नाना.. उधर जाना.. अशा प्रकारचे श्लोगन देत भाजपमधून त्या नाना पटोलेंसोबत काँग्रेसमध्ये गेल्या होत्या. अनेक वर्षापासून ते कॉंग्रेस विविध पदांवर काम करीत होत्या.मात्र ऐन विधानसभा निवडणुकीच्या तोंडावर नाराज असलेल्या काँग्रेसच्या प्रदेश सरचिटणीस हंसा खोब्रागडे यांनी पदाचा राजीनामा देत कॉंग्रेस ला रामराम ठोकलं.
हर्षवर्धन जाधव यांनी त्यांच्या जीवाला धोका
कन्नडचे माजी आमदार आणि अपक्ष उमेदवार हर्षवर्धन जाधव यांनी त्यांच्या जीवाला धोका असल्याची पोलिसात तक्रार केली आहे. काही गाड्या माझा पाठलाग करत आहेत काही लोक अपहरणाचा कट रचत आहे, असं त्यांचं म्हणणं आहे. या सगळ्या मागे भाजप नेते रावसाहेब दानवे असल्याचा त्यांचा आरोप आहे. या मतदारसंघात तुमची मुलगी निवडणुकीत उभी आहे, तुम्ही निवडणुकीसारखे निवडणूक लढा मला पराभूत करा हरकत नाही. मात्र असं कमरे खालचा मारू नका असं हर्षवर्धन जाधव म्हणालेत. गुंडगिरी ,मारण्याची धमकी खून करण्याचा प्रयत्न करणं हे आपल्याला शोभत नाही, त्यामुळे असले धंदे करू नका पोलिसांनी मला सुरक्षा द्यावी आणि माझ्या तक्रारीची दखल घ्यावी अशी मागणी हर्षवर्धन जाधव यांनी केली आहे..
नवी मुंबईत शरद पवारांना मोठा धक्का
ऐरोलीमधील शिवसेना शिंदे गटाचे बंडखोर अपक्ष उमेदवार विजय चौगुले यांचा भाजपासह शिवसेना ठाकरे गटाला धक्का.3 माजी नगरसेवकांसह पदाधिकारी आणि कार्यकर्त्यांनी विजय चौगुले यांना दर्शविला पाठिंबा. माजी नगरसेवक विजयानंद माने, माजी नगरसेवक जब्बार खान आणि माजी नगरसेवक रामदास पवळे यांचा विजय चौगुले यांना पाठिंबा. माजी नगरसेकांसह काही पदाधिकाऱ्यांनी देखील चौगुले यांना दिला पाठिंबा.
