अमेरिकेतील राष्ट्राध्यपदाची निवडणूक जिंकल्यानंतर भारताचे पंतप्रधान नरेंद्र मोदी यांनी त्यांचे मित्र डोनाल्ड ट्रम्प यांचे अभिनंदन केले आहे. तसेच आपण आपल्या लोकांच्या कल्याणासाठी आणि जागतिक शांतता, स्थिरता आणि समृद्धीसाठी एकत्र काम करू या असे ट्रम्प यांच्या विजयानंतर मोदी यांनी एक्सवर केलेल्या खास पोस्टमध्ये म्हटले आहे. राष्ट्राध्यक्ष पदाच्या निवडणुकीत रिपब्लिकन पक्षाचे उमेदवार ट्रम्प यांनी 277 इलेक्टोरल जागा जिंकल्या तर, कमला हॅरिस यांनी 226 इलेक्टोरल जागा जिंकल्या आहेत. यात सत्ता स्थापनेसाठी बहुमताचा आकाडा 270 जागा आवश्यक आहेत.
आरएसएसच्या होमग्राउंडवर जाऊन राहुल गांधींचा जोरदार घणाघात
Narendra Modi मोदींची पोस्ट नेमकी काय?
डोनाल्ड ट्र्म्प यांनी अमेरिकेत पार पडलेल्या राष्ट्राध्यक्षपदाच्या निवडणुकीत विजय मिळवल्यानंतर पंतप्रधान नरेंद्र मोदींनी एक्सवर पोस्ट करत ट्रम्प यांचे अभिनंदन केले आहे. यात मोदीजी म्हणतात की, “माझे मित्र डोनाल्ड ट्रम्प तुमच्या ऐतिहासिक निवडणुकीतील विजयाबद्दल हार्दिक अभिनंदन.” मी भारत आणि अमेरिका या दोन्ही देशातील व्यापक जागतिक आणि धोरणात्मक भागीदारी आणखी मजबूत करण्यासाठी आणि त्याचे नूतनीकरण करण्यास उत्सुक असून, आपण आपल्या लोकांच्या कल्याणासाठी आणि जागतिक शांतता, स्थिरता आणि समृद्धीसाठी एकत्र काम करू या असे म्हटले आहे.
आता अमेरिकेत ट्रम्प सरकार; डोनाल्ड ट्रम्प यांनी गाठलं बहुमत
Narendra Modi निवडणूक जिंकल्यानंतर ट्रम्प यांची पहिली प्रतिक्रिया काय?
अमेरिकन राष्ट्राध्यक्षपदाच्या निवडणुकीचा निकाल जाहीर झाला आहे. डोनाल्ड ट्रम्प यांनी बाजी मारली आहे. निवडणूक जिंकल्यानंतर ट्रम्प यांनी आपल्या समर्थकांना संबोधित केलं. सर्व मतदारांचे आभार मानले आहेत. हा इतिहासातील महान राजकीय क्षण असल्याच ट्रम्प यांनी म्हटलं आहे.
डोनाल्ड ट्रम्प मतदारांना संबोधित करताना म्हणाले की, “आम्ही मतदारांसाठी सर्व काही ठीक करणार आहोत. हा एक राजकीय विजय आहे. असा विजय आपल्या देशाने कधी पाहिलेला नाही. 47 वा राष्ट्रपती म्हणून प्रत्येक दिवस तुमच्यासाठी लढेन. हा अमेरिकेचा शानदार विजय आहे. अमेरिका पुन्हा एकदा महान राष्ट्र बनेल” असं ट्रम्प यांनी म्हटलं आहे.
