भाजपचे नेते गोपाळ शेट्टी यांनी बंडखोरी केली आहे. गोपाळ शेट्टी हे बोरिवली विधानसभा मतदारसंघातून (Assembly Elections) लढण्यासाठी आग्रही होते. मात्र, संजय उपाध्याय यांना भाजप नेतृत्त्वाने धक्कातंत्राचा वापर करत उमेदवारी जाहीर केली होती. त्यामुळे प्रचंड नाराज झालेल्या गोपाळ शेट्टी यांनी अपक्ष उमेदवारी अर्ज भरण्याचा निर्णय घेतला आहे.
आशिष शेलार यांनी या पार्श्वभूमीवर सोमवारी रात्री उशीरा गोपाळ शेट्टी यांची भेट घेऊन त्यांची समजूत काढण्याचा प्रयत्न केला. मात्र, गोपाळ शेट्टी हे कोणत्याही परिस्थितीत निवडणूक लढवण्यावर ठाम असल्याने भाजपमधील बंडखोरी अटळ मानली जात आहे.
शिंदे गटाच्या वाट्याला दुसरीकडे मुंबादेवी मतदारसंघाची जागा ही गेली आहे. याठिकाणी भाजपच्या नेत्या शायना एन. सी. यांना उमेदवारी जाहीर करण्यात आली. त्यांनी सोमवारी रात्रीच झटपट शिवसेनेत प्रवेश केला. आता त्या धनुष्यबाणाच्या चिन्हावर मुंबादेवीतून निवडणूक लढणार आहेत. त्यामुळे नाराज झालेले भाजप नेते अतुल शाह यांनी बंडखोरी केली आहे. ते मंगळवारी उमेदवारी अर्ज भरणार आहेत.
अजित पवारांची चौथी यादी जाहीर, मलिकांच काय?
या दोन्ही ज्येष्ठ नेत्यांची मनधरणी करण्यात भाजपला अपयश आल्याने मुंबईत महायुतीला फटका बसण्याची शक्यता आहे. महायुतीत याशिवाय, वांद्रे पूर्वे विधानसभा मतदारसंघातही बंडखोरी झाली आहे. अजित पवार यांच्या नेतृत्त्वाखालील वांद्रे पूर्व विधानसभा मतदारसंघात राष्ट्रवादी काँग्रेसकडून झिशान सिद्दिकी यांना उमेदवारी देण्यात आली आहे. मात्र, शिवसेना शिंदे गटाचे विभागप्रमुख कुणाल सरमळकर हे आज या मतदारसंघातून अपक्ष उमेदवारी भरणार आहेत.
Assembly Elections उमेदवारी मिळाल्याने आश्चर्याचा धक्का
एकनाथ शिंदे यांच्या शिवसेनेच्या उमेदवारांच्या यादीमधील भाजपच्या शायना एन.सी. यांचे नाव राजकीय वर्तुळासाठी आश्चर्याचा धक्का ठरला. शायना एन.सी. या वरळी विधानसभा मतदारसंघातून भाजपच्या चिन्हावर निवडणूक लढवण्यास इच्छूक होत्या. मात्र, त्यांना मुंबादेवीतून उमेदवारी देण्यात आली आहे. शायना एनसी यांची लढत काँग्रेसच्या अमिन पटेल यांच्या विरोधात होईल. तसचे भाजपच्या अतुल शहा यांनी माघार न घेतल्यास त्यांच्याही आव्हानाचा सामना शायना एन.सी. यांना करावा लागेल.
