आगामी विधानसभा निवडणुकीत महायुती (Mahayuti) पैशांचा पुर आणणार असल्याचा आरोप राष्ट्रवादी काँग्रेसचे आमदार रोहित पवार यांनी केला आहे. याची चुणूक नुकतीच दिसून आल्याचे त्यांनी सांगितले. त्याचाच एक पुण्यात जे पैसे पकडले हा भाग होता. त्या गाडीतून पाच कोटी रूपये जप्त करण्यात आले. ते महायुतीच्या उमेदवारासाठी चालले होते असा आरोपही त्यांनी केला. पाच कोटी जरी पकडले असले तरी त्या गाडीत पंधरा कोटी होते अशी माहिती असल्याचेही ते म्हणाले. रोहीत पवार यांनी त्यामुळे महायुती किती कोटींचा खर्च आगामी विधानसभा निवडणुकीत करणार आहे याचा आकडाच सांगितला. ते पंढपूरात आले होते त्यावेळी बोलत होते.
4 हजार 800 कोटी रुपयांचा चुराडा राज्यात येत्या निवडणुकीत महायुती करेल. त्यासाठी भ्रष्टाचारातून कमावलेले पैसे लावले जाणार असल्याचा आरोप रोहित पवार यांनी केला आहे. प्रत्येक मतदार संघात 100 ते 150 कोटी खर्च लोकसभा निवडणुका जिंकण्यासाठी महायुतीने केले होते असा आरोपही पवार यांनी केला आहे. समृद्धी महामार्गातूनही या महायुती सरकारने पैसा कमावला आहे. यातून त्यांनी गुजरातची निवडणूक लढवली. शिवाय आता 60 ते 70 हजार कोटींचा घोटाळा अडीच वर्षात जवळपास झाला आहे. त्यातून मिळालेला पैसा महायुतीच्या माध्यमातून या निवडणुकीत वापरला जाईल असा गंभीर आरोप त्यांनी केला आहे.
भाजपाच्या संजय काकांच्या हाती घड्याळ, रोहित पाटलांविरुद्ध लढत ठरली
Mahayuti : महाविकास आघाडीमध्ये नेत्याने सांगितलं, विधानसभेला महायुती किती कोटीचा चुराडा करणार?
या निवडणुकीत आणला तरी जरी महायुतीने पैशाचा पुर त्याचा काही एक फायदा होणार नाही. जनतेने हे सरकार बदलायचे आहे हा निश्चय केला आहे. त्यामुळे महायुतीने काही केले तरी त्याचा काही एक परिणाम होणार नाही. महाविकास आघाडीच्या बाजूने जनमत आहे. त्यामुळे 180 जागांवर महाविकास आघाडी सध्याच्या स्थितीत मुसंडी मारेल असा विश्वास त्यांनी व्यक्त केला. आघाडीचे सरकार आल्यानंतर मुख्यमंत्री कोण याची चर्चा केली जाईल. आता जास्तीत जास्त उमेदवार निवडून आणण्यावर आघाडीचा भर असल्याचेही ते म्हणाले.
महायुतीत भाजपची ताकद दरम्यान सध्याच्या स्थितीत ही कमी झाली आहे. त्या तुलनेत एकनाथ शिंदे यांची ताकद वाढली आहे. त्यामुळे विधानसभा निवडणुकीनंतर एकनाथ शिंदे हेच विरोधी पक्षनेते होतील असे पवार म्हणाले. शंभरच्या आसपास आमदार महायुतीचे निवडून येतील असे ही त्यांनी सांगितले. पंढरपूर येथे विठ्ठल दर्शनासाठी आल्यावर आमदार रोहित पवार यांनी एनडीटीव्ही बरोबर बातचीत केली. सांगोल्याबाबतही त्यांनी देशमुख्य कुटुंबाचा विचार केला जावा असे सांगितले. देखमुख कुटुंबा बरोबर पवार कुटुंब असल्याचेही त्यांनी स्पष्ट केले.
