मुंबईतील चेंबूर परिसरात भीषण आग लागली आहे. (Chembur fire) सिद्धार्थ कॉलनीतील चेंबूर परिसरात असलेल्या दुमजली घराला आग लागली. या आगीत एकाच कुटुंबातील 7 जणांचा मृत्यू झाला. सध्या अग्निशमन दलाला ही आग विझवण्यात यश आले असून या ठिकाणी कुलिंग ऑपरेशन सुरु आहे. रविवारी पहाटे ही सिद्धार्थ नगर परिसरात दुर्घटना घडली. येथील चाळीत अनेक वन प्लस वन स्ट्रक्चरची घरे आहेत. यापैकी एका घराला अचानक आग लागली. या घरातील कुटुंबीयांना वेळीच आग लागल्याचे लक्षात आले नाही. यामध्ये 7 वर्षांच्या एका मुलीचाही समावेश आहे. या सगळ्यांना अग्निशमन दलाने घरातून बाहेर काढून राजावाडी रुग्णालयात दाखल केले. मात्र, डॉक्टरांनी त्यांना मृत घोषित केले.
Chembur fire परिसरात हळहळ
पहाटे साखरझोपेत असताना अचानक घराला आग लागली. ही आग इतकी भयानक होती, की क्षणार्धात संपूर्ण घराला आगीचा विळखा पडला. आग लागली तो सिद्धार्थ कॉलनीचा परिसर हा गायकवड मार्गाजवळ आहे. हा झोपडपट्टीचा परिसर आहे. या परिसरात अनेक वन प्लस वन आहेत. गुप्ता कुटुंबाची वन प्लस वन झोपडी होती. पाच जणांचा मृत्यू एकाच कुटुंबातील झाल्याने परिसरात हळहळ व्यक्त करण्यात येत आहे.
Chembur fire दोन जणांचा जीव वाचला
आज पहाटे सिद्धार्थ नगरमध्ये आग लागली होती. या ठिकाणी खाली दुकानं होतं. तसेच पहिल्या आणि दुसऱ्या माळ्यावर लोकं राहत होते. यात एकूण 7 जणांचा मृत्यू झाला. या दुर्घटनेत दुकानात झोपलेल्या लोकांचा जीव वाचला आहे. नक्की आग कशामुळे लागली, याचा शोध आम्ही घेत आहोत. या आगीत दोन जणांना कोणतीही दुखापत झालेली नाही. सध्या ही आग विझविण्यात आलेली आहे. राजावाडी रुग्णालयात उपचारादरम्यान ७ जणांचा मृत्यू झाला आहे.
Chembur fire मयतांची नावे
1) प्रेसी प्रेम गुप्ता, 6 वर्षे,
२) मंजू प्रेम गुप्ता, 30 वर्षे
३) अनिता धर्मदेव गुप्ता, ३९ वर्ष
४) प्रेम चेदिराम गुप्ता, 30yrs
५) नरेंद्र गुप्ता, 10 वर्षे
६) विधी चेदिराम गुप्ता, १५ वर्षे
7) गीतादेवी धरमदेव गुप्ता, 60 वर्षे
पहाटे साडेचार ते पाचच्या दरम्यान ही आग लागली. चाळीतील दुमजली घराच्या मीटर बॉक्समध्ये शॉकसर्किटमुळे ही आग लागल्याचे म्हटलं जात आहे. त्यानंतर ही आग संपूर्ण घरात पसरत गेली. या दुमजली घरात गुप्ता कुटुंबिय राहत होते. पहाटे साखर झोपेत असताने आग लागल्याचे लक्षात आले नाही. त्यामुळे हे संपूर्ण कुटुंब आगीच्या भक्षस्थानी पडलं. या आगीत प्रेसी प्रेम गुप्ता, मंजू प्रेम गुप्ता, अनिता धर्मदेव गुप्ता, प्रेम चेदिराम गुप्ता, नरेंद्र गुप्ता, विधी चेदिराम गुप्ता, गीतादेवी धरमदेव गुप्ता यांचा मृत्यू झाला आहे. तर घरातील इतर सदस्य गंभीर जखमी असून त्यांच्यावर रुग्णालयात उपचार सुरु आहेत. दरम्यान, तळमजल्यावर दुकान आणि वरच्या मजल्यावर कुटुंब राहत असल्याचे स्थानिकांनी सांगितले. आगीत एकाच कुटुंबातील सात जणांचा मृत्यू झाल्याने सिद्धार्थ कॉलनी परिसरात हळहळ व्यक्त करण्यात येत आहे.
