राज्याचे उपमुख्यमंत्री देवेंद्र फडणवीस (Devendra Fadnavis) यांच्या अडचणीत वाढ होण्याची शक्यता आहे. एका कार्यक्रमात बोलताना व्होट जिहाद शब्द वापरल्याने काँग्रेसने राज्य निवडणूक आयोगाकडे त्यांची तक्रार केली आहे. माहितीनुसार, महाराष्ट्र प्रदेश काँग्रेस कमिटी सचिव संदेश सिंगलकर यांनी राज्य निवडणूक आयोगाकडे उपमुख्यमंत्री देवेंद्र फडणवीस यांची तक्रार केली आहे.
यावेळी संदेश सिंगलकर (Sandesh Singalkar) म्हणाले की भाजपचे नेते आणि राज्याचे गृहमंत्री देवेंद्र फडणवीस यांनी कोल्हापूर (Kolhapur) जिल्ह्यात भाषण करताना राज्यातील 48 लोकसभा जागांपैकी 14 जागांवर व्होट जिहाद झाल्याने दिसून येत आहे. मात्र देवेंद्र फडणवीस यांच्याकडून हे धार्मिक तेढ निर्माण करण्याचा प्रयत्न आहे. मात्र घटनेच्या कलम 64 नुसार सार्वभौम आणि एकात्मता जपण्याची शपथ लोकप्रतिनिधीला दिली जाते. जर गृहमंत्री अशा प्रकारचे वक्तव्य करत असतील तर ते चितावणीखोर आहे आणि कायद्याला अनुसरून नाही त्यामुळे आम्ही राज्य निवडणूक आयोगाकडे याबाबत तक्रार केली असल्याची माहिती महाराष्ट्र प्रदेश काँग्रेस कमिटी सचिव संदेश सिंगलकर यांनी माध्यमांशी बोलताना दिली.
अजितदादांना धक्का बसणार! आणखी एक आमदार तुतारी फुंकणार
देवेंद्र फडणवीस यांनी धुळे लोकसभा मतदारसंघाच्या निकालाचा उल्लेख कोल्हापूरमध्ये बोलताना करत फडणवीस म्हणाले होते की, काही लोकांना वाटते की आमची संख्या कमी असली तरी संघटित मतदानाने हिंदुत्व समर्थकांचा पराभव आम्ही करू शकतो. मालेगाव मध्य विधानसभा मतदारसंघात भाजपच्या उमेदवाराविरोधात त्यांनी यावेळी झालेल्या मतदानाचा उल्लेख केला होता. तसेच यावेळी त्यांनी लव्ह जिहादबाबत एक लाखाहून अधिक तक्रारी प्राप्त झाल्या असल्याची देखील माहिती दिली होती.
लोकसभा निवडणुकीत 48 जागांपैकी 31 जागांवर महाविकास आघाडीने विजय मिळवत महायुतीला मोठा धक्का दिला होता. भाजपला लोकसभा निवडणुकीत 9 जागांवर विजय मिळाला होता तर काँगेसला 13 जागांवर विजय मिळवता आला होता.
