अदिती आणि सिद्धार्थ दाक्षिणात्य पारंपरिक पद्धतीत लग्नबंधनात बांधली. (Siddharth Aditi Marriage) कुटुंबाच्या साक्षीने त्यांनी सातफेरे घेतले. (Wedding First Pics) हे फोटो त्यांच्या पुढील प्रवासाची साक्ष देत आहेत. गेल्या काही दिवसांपासून सर्वात चर्चेत असलेले कपल म्हणजे अदिती राव हैदरी (Aditi Rao Hydari) आणि सिद्धार्थ (Siddharth). दोघंही नुकतेच लग्नबंधनात अडकले आहेत. अदितीने फोटो शेअर करत चाहत्यांना ही गुडन्यूज दिली.
Siddharth Aditi Marriage आदिती-सिद्धार्थने गुपचूप लग्न केले
लग्नाच्या फोटोंमध्ये, कपल्सने पारंपारिक पोशाखांमध्ये दिसत आहेत आणि एकमेकांमध्ये हरवले आहेत. लग्नाची घोषणा करताना अभिनेत्रीने तिच्या इन्स्टाग्रामवर लग्नाचा फोटो शेअर केला आहे. फोटो शेअर करताना अभिनेत्रीने हृदयाला स्पर्श करणारी कॅप्शनही लिहिलं आहे. अदितीने लिहिले, ‘तूच माझा सूर्य, तूच चंद्र आणि सगळे तारे.. अनंतकाळासाठी आपण एकमेकांचे झालो आहोत.. असंच हसत राहू कधीच मोठे व्हायला नको…कायम प्रेम, प्रकाश आणि जादू…मिसेस अँड मिस्टर अदू-सिद्धू.” असं कॅप्शन दिलं आहे.
आदिती-सिद्धार्थने त्यांच्या लग्नाचे अनेक फोटो शेअर केले आहेत. ज्यावरून या दोघांनी मंदिरात लग्न केल्याचे दिसून येते. वधू बनलेली अदिती यावेळी अतिशय साध्या स्टाईलमध्ये दिसली होती. तिच्या साधेपणातही ती खूप सुंदर वधू दिसत होती तर तिचा वर मियां म्हणजेच सिद्धार्थ पांढऱ्या रंगाचा कुर्ता आणि धोतरात चांगला दिसत होता.
फोटोंमध्ये हे जोडपे हार घालताना दिसत आहे. लग्नानंतर घरातील वडीलधारी मंडळीही नवविवाहित जोडप्याला आशीर्वाद देताना दिसतात. सध्या या दोघांच्या लग्नाचे फोटो सोशल मीडियावर व्हायरल होत आहेत. या फोटोंवरून असेही दिसते की या जोडप्याने केवळ कुटुंब आणि जवळच्या मित्रांच्या उपस्थितीत एक जिव्हाळ्याचा विवाह केला होता. यासोबतच आता सर्व चाहते आणि सेलिब्रिटी या जोडप्याला त्यांच्या लग्नासाठी शुभेच्छा देत आहेत.
