ठाणे
मुंबईसह संपूर्ण महाराष्ट्रात दहीहंडीचा उत्साह शिगेला पोहोचला आहे. दरवर्षीप्रमाणे यंदाही मुंबई, ठाण्यात लाखो रुपयांचे पारितोषिक असलेल्या उंचच उंच दहीहंडी (Dahi Handi) बांधण्यात आल्या आहेत. तर त्यांना फोडण्यासाठी दहीहंडी पथकांमध्ये चुरस रंगताना दिसत आहे. ठाण्यातील जांभोरी मैदानातील दहीहंडी (Jambori Maidan Dahihandi) कार्यक्रम विशेष आकर्षणाचा केंद्रबिंदू ठरला आहे. या वर्षी ठाण्यातील जांभोरी मैदानात दहीहंडी उत्सवात अफझलखान वधाचा थरारक देखावा सादर करण्यात आला, ज्यामुळे उपस्थितांनी जल्लोष केला.
दहीहंडी उत्सव हा महाराष्ट्रातील एक महत्त्वाचा सण मानला जातो. यावर्षी ठाणेतील जांभोरी मैदानात आयोजित दहीहंडी कार्यक्रमात विशेष आकर्षण ठरले, अफझलखान वधाचा थरारक देखावा. या देखाव्यात अफझलखानाच्या वधाचे नाट्यमय सादरीकरण करण्यात आले. प्राचीन इतिहासाच्या या घटनेला समर्पित असलेल्या या देखाव्यामुळे प्रेक्षक भारावून गेले.
जांभोरी मैदानातील या दहीहंडी कार्यक्रमासाठी मोठ्या संख्येने लोक जमले होते. लोकांच्या उत्साहाला उधाण आले होते. कार्यक्रमाच्या आयोजकांनी सुरक्षेची पुरेशी काळजी घेतली होती. गर्दीचा अंदाज घेऊन प्रशासनाने विशेष व्यवस्था केली होती.
मुंबईसह संपूर्ण महाराष्ट्रात दहीहंडीचा उत्साह शिगेला पोहोचलाय. दहीहंडी उत्सवात आत्तापर्यंत 15 गोविंदा जखमी झाले असून त्यांच्यावर रुग्णालयात उपचार सुरू आहेत. सेंट जॉर्ज हॉस्पिटलध्ये 1, पोद्दारमध्ये 4, केईममध्ये 1, नायरमध्ये 2, सायन रुग्णालयात 2, राजावाडीमध्ये 1 , एमटी अगरवाल रुग्णालयात 1 आणि कुर्ला भाभा रुग्णालयात एका रुग्णावर उपचार सुरू आहेत. सर्वांची प्रकृती स्थिर आहे.
मुंबई आणि ठाण्यात जवळपास 1 हजार 354 दहीहंडी उत्सवांचं आयोजन करण्यात आलं आहे. दरवर्षीप्रमाणे यंदाही मुंबई, ठाण्यात लाखो रुपयांचे पारितोषिक जाहीर करण्यात आली आहेत. यावेळी गिनीज बुक वर्ल्ड रेकॉर्ड मोडणाऱ्या गोविंदा पथकाला 25 लाखांचे बक्षीस दिले जाणार आहे. तर ठाण्यात टेंभी नाक्याला मुख्यमंत्री शिंदेंची दहीहंडी असून बक्षिसाची रक्कम पुरुषांसाठी 1 लाख 51 हजार, महिलांसाठी 1 लाख आहे. त्याशिवाय प्रकाश सुर्वे यांच्या दहीहंडीत 1 लाख रुपयाच्या बक्षीसाची घोषणा करण्यात आली आहे.
