देशात रेल्वे अपघातांच्या संख्येत सातत्याने (Train Accident) वाढ होत आहे. आताही रेल्वेचा अपघात झाला आहे. कानपूर आणि भीमसेन स्टेशन दरम्यान रेल्वेचे काही डबे रुळावरून घसरले. या घटनेत कोणतीही जीवितहानी झालेली नाही. साबरमती एक्सप्रेस कानपूर आणि भीमसेन (Uttar Pradesh) स्टेशनच्या दरम्यान असलेल्या एका ब्लॉक सेक्शनमध्ये रुळावरून घसरली. या अपघातात कोणीही जखमी अथवा मयत झाले नाही. उत्तर मध्य रेल्वेचे वरिष्ठ जनसंपर्क अधिकारी शशिकांत त्रिपाठी यांनी पीटीआयला सांगितले की ही घटना मध्यरात्री अडीच वाजण्याच्या सुमारास झाली. रेल्वे वाराणसी येथून अहमदाबादकडे निघाली होती. या घटनेत रेल्वचे २० डबे रुळावरून घसरले. घटनेची माहिती यंत्रणा दाखल झाल्या. मदतकार्य सुरू आहे.
कानपूर येथून निघाल्यानंतर थोड्याच वेळेत आम्हाला जोराचा आवाज ऐकू आला आणि डब्यातील सर्व काही हलायला लागले. आम्ही खूप घाबरलो होतो त्याचवेळी रेल्वे थांबल्याचे आमच्या लक्षात आले. या घटनेनंतर रेल्वेमंत्री अश्विनी वैष्णव यांनी एक्सवर पोस्ट लिहिली. साबरमती रेल्वेचे इंजिन रेल्वे ट्रॅकवर ठेवलेल्या कोणत्या तरी वस्तूवर आदळले त्यानंतर रेल्वे रुळावरून घसरली. आयबी आणि उत्तर प्रदेश पोलीस घटनास्थळी तैनात आहेत. रेल्वेतील कुणीही प्रवासी जखमी झालेले नाही. प्रवाशांना त्यांच्या गंतव्य ठिकाणी जाण्यासाठी पर्यायी व्यवस्था करण्यात आली आहे.
कानपूर सेंट्रल स्थानकातून सुटल्यानंतर सुमारे ३० मिनिटांनी भीमसेनजवळ शनिवारी पहाटे २ वाजून २९ मिनिटांनी रेल्वे रुळावरून घसरली.इंजिनवर दगड आदळल्याने गर्डर वाकला. यामुळे रेल्वेचे इंजिन रुळावरून खाली उतरले. व संपूर्ण गाडी ही रुळावरून घसरली. रेल्वे बोर्डाच्या एका अधिकाऱ्याने सांगितले की, लोको पायलटने सांगितले की, इंजिनच्या गुरांच्या गार्डवर अचानक मोठे दगड पडले. दगडांमुळे हा गार्ड वाकला आहे.केंद्रीय रेल्वेमंत्री अश्विनी वैष्णव यांनी देखील या वृत्ताला दुजोरा दिला असून या प्रकरणी चौकशीचे आदेश देण्यात आले असल्याचं सांगण्यात आलं आहे.
मुख्‍यमंत्रीपदावरुन शेलारांची उद्धव ठाकरेंवर टीका, म्हणाले…
Train Accident रद्द करण्यात आलेल्या गाड्या
भारतीय रेल्वेने दिलेल्या माहितीनुसार, या दुर्घटनेमुळे या मार्गावर धावणाऱ्या सात गाड्या रद्द करण्यात आल्या असून तीन गाड्यांचे मार्ग बदलण्यात आले आहेत.
१ वाराणसी जंक्शन – लखनौ जंक्शन ट्रेन ०१८२३/०१८२४
२. ट्रेन १११०९ वाराणसी जंक्शन – लखीमपूर
३. ट्रेन १४११०/१४१० कानपूर – चित्रकूटधाम
४. गाडी क्रमांक ०४१४३ (कुरेगाव – कानपूर)
५. ट्रेन ०४१४४१ (कानपूर – कुरेगाव)
