मुंबई
शिवसेना शिंदे गटाचे नेते राहुल शेवाळे (Rahul Shewale) यांच्या संदर्भात दैनिक सामना मध्ये बातमी प्रकाशित करण्यात आली होती. या संदर्भात राहुल शेवाळे यांनी कोर्टात मानहानीची (Defamation) याचिका दाखल केली होती. या प्रकरणात मुंबई सत्र न्यायालयाने (Mumbai Sessions Court) शिवसेना पक्षप्रमुख उद्धव ठाकरे (Uddhav Thackeray) आणि सामना दैनिकाचे कार्यकारी संपादक तथा खासदार संजय राऊत (Sanjay Raut) यांना दोन हजार रुपयांचा दंड ठोठावून ते दहा दिवसात जमा करण्याचे आदेश दिले आहेत.
शिंदे गटाचे नेते राहुल शेवाळे यांच्याशी संबंधित खटल्यांच्या सुनावणीच्या विशेष न्यायालयाने जूनमध्ये दोन्ही नेत्यांची याचिका स्वीकारली होती. ज्यात त्यांनी दंडाधिकारी न्यायालयाच्या आदेशाविरुद्ध पुनर्विचार याचिका दाखल करण्यास झालेल्या विलंबाबद्दल माफी मागितली होती. दंडाधिकारी न्यायालयाने शिवसेना नेते राहुल शेवाळे यांची बदनामी प्रकरणात दोषमुक्तीची याचिका फेटाळली होती. मानहानीच्या दाव्यातून आरोपमुक्त करण्यासाठी या दोघांनी न्यायालयात अर्ज केला होता. या निर्णयाला आव्हान देण्यासाठी विलंब झाल्याने दोन्ही नेत्यांनी विशेष न्यायालयात अर्ज केला होता. न्यायालयाने 2,000 रुपयांचा दंड ठोठावला होता. 13 जूनच्या आदेशानुसार शिवसेना ठाकरे नेत्यांना दहा दिवसांच्या आत रक्कम भरण्याचे निर्देश दिले होते. ठाकरे आणि राऊत यांनी अधिवक्ता मनोज पिंगळे यांच्यामार्फत दाखल केलेल्या अर्जात म्हटले आहे की, 2,000 रुपये जमा करण्यास झालेला विलंब अनावधानाने होता आणि त्यासाठी अनेक कारणे नमूद केली होती.
काय होते प्रकरण
मुख्यमंत्री एकनाथ शिंदे यांच्या नेतृत्वाखालील शिवसेनेचे सदस्य राहुल शेवाळे यांनी ठाकरे आणि राऊत यांच्यावर मानहानीचा खटला दाखल केला होता. शिवसेनेच्या (यूबीटी) मराठी आणि हिंदी आवृत्तीत बदनामीकारक लेख छापल्याबद्दल भारतीय दंड संहितेच्या कलम ५०० (मानहानी) अंतर्गत गुन्हा दाखल केला आहे. ‘सामना’ या मुखपत्रावर कारवाईची विनंती केली आहे.
