मुंबईलोकलने प्रवास करणाऱ्या लाखो मुंबईकरांसाठी रेल्वे प्रशासन महत्त्वाचा (Mumbai Local train) निर्णय घेण्याची शक्यता आहे. छत्रपती शिवाजी महाराज टर्मिनस (सीएसएमटी) ते परळ स्थानकादरम्यान पाचव्या आणि सहाव्या मार्गिकेसाठी मध्य रेल्वेकडून नव्याने चाचपणी करण्यात येत आहे. नव्या आराखड्यानुसार पाचवी आणि सहावी मार्गिका टाकायची झाल्यास त्यामुळे मध्य आणि हार्बर रेल्वेमार्गावरील वाहतुकीत महत्त्वाचे बदल करावे लागणार आहेत. परिणामी भविष्यात हार्बर लोकल सेवेचा प्रवास सँडहर्स्ट रोड स्थानकातच संपेल. तर यापुढे मध्य रेल्वेमार्गावरील (Central Railway) फास्ट लोकल ट्रेन भायखळ्यात थांबणार नाहीत. याबाबत अंतिम निर्णय झालेला नाही. मात्र, या दोन्ही प्रस्तांवाची व्यवहार्यता तपासली जात आहे.यासोबतच भायखळ्यातील जागेची मर्यादा लक्षात घेऊन जलद लोकलसाठीचा फलाट तोडून त्या ठिकाणी अतिरिक्त मार्ग उभारण्यात येणार असल्याने जलद लोकलचा भायखळा थांबा रद्द करण्याबाबतही व्यवहार्यता अभ्यासण्यात येत आहे.
प्रवाशांच्या वाढत्या संख्येमुळे मध्य रेल्वे सीएसएमटी आणि परळ दरम्यान पाचवी आणि सहावी रेल्वे मार्गिका सुरु करण्याच्या विचारात आहे. जर हा निर्णय घेतला गेला तर नवीन सीएसएमटी-परळ मार्गिकेसाठी हार्बर रेल्वेचे प्लॅटफॉर्म आणि सीएसएमटी आणि मस्जिद स्थानकादरम्यान ट्रॅकची आवश्यकता असणार आहे. त्यामुळे रेल्वे हार्बर लाइन सँडहर्स्ट रोडवरील सेवा बंद करण्याचा विचारात आहे. तसेच नवीन ट्रॅकसाठी जागा तयार करण्यासाठी भायखळा येथील फास्ट ट्रॅकवरील प्लॅटफॉर्म बंद करण्याची मध्य रेल्वेची योजना आहे.
आंदोलनामागे कोणाचा हात?; संजय राऊतांनी सांगितले
यामुळे हार्बरने सीएसएमटीपर्यंत प्रवास करू इच्छिणाऱ्या प्रवाशांना मुख्य मार्गावरील लोकल पकडून सीएसएमटी गाठणे शक्य आहे. कुर्लानंतर फास्ट लोकल तसे झाल्यास दादर आणि सीएसएमटी स्थानकांवर थांबणार आहे. या योजनेअंतर्गत, सीएसएमटी आणि मस्जिद बंदर येथील प्लॅटफॉर्म क्रमांक एक आणि दोनचा वापर मध्य रेल्वेच्या मेन लाइन सेवांसाठी केला जाईल. त्यामुळे सीएसएमटीमधील १ ते ७ पर्यंतचे सर्व प्लॅटफॉर्मवरुन मध्य रेल्वे धावणार आहे.
दहा वर्षांपूर्वी मध्य रेल्वेने डॉकयार्ड रोड ते इस्टर्न फ्रीवेपर्यंत हार्बर लाइनसाठी पर्यायी मार्ग तयार करण्याचा निर्णय घेतला होता. जागा मोकळी करणे मस्जिद आणि सँडहर्स्ट रोड या दोन्ही ठिकाणी हा त्याचा उद्देश होता, या पाचव्या आणि सहाव्या मार्गाचा वापर जेणेकरून कुर्ला ते सीएसएमटीकरता येईल. त्यावेळी, मुख्य आणि हार्बर दोन्ही मार्गांसाठी इंटरचेंज पॉइंट उपलब्ध करून देण्यासाठी मशीद आणि सँडहर्स्ट रोड येथे दोन स्टेशन बांधण्याचा प्रस्ताव होता. २००८ साली एमयूटीपी २ साठी मंजुरी मिळाली होती.
