गेल्या काही दिवसांपासून मुंबईत मुसळधार पाऊस सुरू आहे. शहरातील विविध भागात त्यामुळे मोठ्या प्रमाणात पाणी साचलं आहे. दरम्यान, गेल्या सहा तासांमध्ये मुंबईत 300 मिलिमीटरपेक्षा जास्त पाऊस झाला आहे. पुढील तीन ते चार तास हवामान खात्याच्या इशाऱ्यानुसार मुसळधार पाऊस कोसळण्याची शक्यता वर्तविण्यात आली आहे. हा मुंबईकरांसाठी सावधगिरीचा इशारा मानला जात आहे. (Mumbai Rain ) सध्या नागरिकांना घराबाहेर पडण्यास अनेक अडचणींचा सामना करावा लागत आहे. (Rain ) या परिस्थितीचा मध्य रेल्वे आणि हार्बर लाइन यांना फटका बसला आहे.
Mumbai Rain आज दिवसभर पाऊस
संपूर्ण मुंबईत मुसळधार पावसामुळे शहरातील अनेक भागांमध्ये पाणी साचलं आणि त्यामुळे कल्याण-कसारा सेक्शनमध्ये खडवली आणि टिटवाळा दरम्यान लोकल ट्रेनची वाहतूक काल विस्कळीत झाली होती. ही स्थित आजही तशीच आहे. दरम्यान या आठवड्यात पावसाचा जोर कायम राहणार असून. शहरात रात्रभर पावसाने जोरदार हजेरी लावली आहे. भारतीय हवामान विभागानुसार, आज दिवसभर मुंबईत मध्यम ते मुसळधार पाऊस राहील, रात्री मेघगर्जनेसह वादळाची शक्यता आहे.
मुसळधार पावसामुळे हार्बर रेल्वेसेवा ठप्प, मध्य रेल्वेही विस्कळीत
Mumbai Rain वाहतूक विस्कळीत
संपूर्ण मुंबईत जोरदार पाऊस कोसळत असून, मुंबईच्या विविध भागात पाणी साचण्यास सुरुवात देखील झाली आहे. जोरदार पावसामुळे रस्त्यावर देखील पाणी साचल्यामुळे रस्ते वाहतूक मंदावली आहे, शिवाय रेल्वे सेवेवर देखील या पावसाचा परिणाम झाला आहे.
Mumbai Rain मराठवाडा विदर्भात कसे असेल हवामान?
आज बहुतांशी ठिकाणी मराठवाडा आणि विदर्भात मुसळधार पावसाची शक्यता आहे. तसेच मध्य महाराष्ट्रात तुरळक ठिकाणी जोरदार पावसाची शक्यता आहे. शेतकऱ्यांसाठी ही आनंदाची बातमी आहे. मात्र जनजीवन या पावसामुळे विस्कळीत होण्याची शक्यता आहे. त्यामुळे विनाकारण घराबाहेर न पडण्याचं आवाहन प्रशासनाकडून देण्यात आलं आहे.
Mumbai Rain या जिल्ह्यांना अतिवृष्टीचा इशारा, रेड अलर्ट जारी
आज मुंबई आणि उपनगरासह कोकणात अतिवृष्टीचा इशारा देण्यात आला आहे. आज सिंधुदुर्ग, रत्नागिरी जिल्ह्यांना रेड अलर्ट जारी करण्यात आला आहे. तसेच ठाणे, मुंबई, रत्नागिरी जिल्ह्यांना यलो अलर्ट देण्यात आला आहे. नागरिकांनी कामाशिवाय त्यामुळे घराबाहेर न पडण्याचं आवाहन करण्यात आले आहे.
