महायुतीचा आज ठाण्यात विजय संकल्प मेळावा झाला. या मेळाव्याला राज्याचे उपमुख्यमंत्री देवेंद्र फडणवीस यांनी संबोधित केलं. यावेळी देवेंद्र फडणवीस यांनी शिवसेना ठाकरे गट आणि पर्यायाने उद्धव ठाकरे यांना जोरदार टोला लगावला आहे. कोकणात महायुतीला प्रचंड यश मिळालं. (Devendra Fadnavis) काही लोक म्हणाले आम्ही तुम्हाला तडीपार करू मात्र, कोकणच्या जनतेने त्यांना तडीपार केलं असंही फडणवीस म्हणाले आहेत. तसंच, आता कोकण पदवीधर मतदारसंघाचे निवडणूक आली आहे. तेव्हा पुन्हा एकदा कोकणचा आशीर्वाद महायुतीला मिळणार आहे, असंही ते म्हणाले आहेत.
Devendra Fadnavis जे मुंब्र्यात घडलं तेच भिवंडीत घडलं
यावेळी फडणवीसांनी राज ठाकरे यांचे आभारही मानले. अभिजीत पानसे हे उमेदवार होते. पण आम्ही राज ठाकरे यांना विनंती केली. निरंजन डावखरे आमचे आमदार आहेत. आपण महायुती म्हणून काम करत आहोत. त्यामुळे तुम्ही उमेदवाराला थांबायला सांगावं. त्याप्रमाणे राज ठाकरे यांनी निर्णय घेतला आणि अभिजित पानसे यांनी सर्व मेहेनत निरंजन यांच्या पाठीशी उभी केली, असंही देवेंद्र फडणवीस म्हणाले आहेत. दरम्यान, त्यांनी भिवंडीची जागा येऊ शकली नाही. तिकडे काय घडले ते माहीत आहे. जे मुंब्र्यात घडलं तेच भिवंडीत घडलं असं म्हण ते आपण सुधारू असा आशावाद व्यक्त केला.
प्रवीण दरेकरांचा संजय राऊतांवर हल्लाबोल
Devendra Fadnavis मॅन टू मॅन पोहचयाचं आहे
आता पदवीधर मतदारसंघाची निवडणूक होत आहे. कोकण पदवीधर मतदारसंघासाठी निश्चितपणे चांगला उमेदवार महायुतीने दिला आहे. इतर निवडणुकीपेक्षा नियोजनाची आणि वेगळी निवडणूक आहे. या निवडणुकीमध्ये सभा- रॅली घ्यायच्या नाही. मॅन टू मॅन पोहचयाचं आहे. सव्वालाख नोंदणी झाली आहे. ठाणे जिल्ह्यावर जास्त जबाबदारी आहे. पालघरवर आणि इतर जिल्ह्यांवर जबाबदारी आहे, असंही देवेंद्र फडणवीस यांनी यावेळी सांगितलं.
Devendra Fadnavis जुनी पेंशन योजनेवर तोडगा निघेल
जेवढा निरंजन चेहेरा पुढे नेणार तेवढा फायदा होणार आहे. मुख्यमंत्री एकनाथ शिंदे यांनी जुनी पेंशन योजनेवर तोडगा काढला आहे. हा प्रश्न विधान सभेत मांडला जाणार आहे. मोठा निर्णय आपण घेतला आहे. संघटनेसाठी मोठा निर्णय घेतला आहे. 2005 पूर्वी शिक्षक होते. सकारात्मक कारवाई करत त्यांच्याबाबत प्रश्न सोडवले जात आहेत. आपल्या काळात अनेक प्रश्न सोडत आहे आणि ते आपल्या मागे उभे आहेत, असंही फडणवीस म्हणाले.
