सुपर 8 च्या टी 20 वर्ल्ड कपच्या (T20 World Cup 2024) लढती निश्चित झाल्या आहेत. अ गटातून सुपर 8 मध्ये अमेरिकनं आणि भारतीय क्रिकेट संघानं (Team India)प्रवेश कला आहे. अ गटात असलेल्या पाकिस्तानला (Pakistan) स्पर्धेतून बाहेर जावं लागलं आहे. आयरलँड विरुद विजय मिळवण्यासाठी पाकिस्तानला अखेरच्या मॅचमध्ये संघर्ष करावा लागल्याचं चित्र पाहायला मिळालं आहे. टी 20 वर्ल्ड कपमधून पहिल्या फेरीतून बाहेर पडलेल्या पाकिस्तानबद्दल अनेक प्रश्न उपस्थित केले जात आहेत. पाकिस्तानच्या संघात एकता नव्हती.शाहीन आफ्रिदी आणि बाबर आझम (Babar Azam) यांच्यात संवाद नव्हता,असे दावे केले जात आहेत. काही जणांना बाबर आझमला पाकिस्तानचं कॅप्टन पद सोडण्याचा सल्ला दिला आहे. या पार्श्वभूमीवर भारतीय क्रिकेट संघाचे माजी खेळाडू आणि बीसीसीआयच्या निवड समितीचे माजी प्रमुख के. श्रीकांत यांनी मोठं वक्तव्य केलं आहे. बाबर आझमनं टी 20 क्रिकेट खेळू नये, असा कठोर सल्ला के. श्रीकांत यांनी दिला आहे.
नेपाळचा पराभव करत बांगलादेशची सुपर-8मध्ये धडक
टीम इंडियाचे माजी निवड समिती प्रमुख के. कॅप्टनपद नव्हे या प्रकारात श्रीकांत यांनी बाबर आझमला क्रिकेट खेळणं सोडावं असा सल्ला दिला आहे. टी 20 क्रिकेट सारख्या वेगवान फॉरमॅटमध्ये तुम्ही नेहमी टुक टुक करु शकत नाही, असं श्रीकांत म्हणाले. बाबर आझमच्या स्ट्राईक रेटवर देखील त्यांनी प्रश्न उपस्थित केले. के. श्रीकांत यांनी एका वृत्तवाहिनीशी बोलताना म्हटलं की ” टी 20 क्रिकेट बाबर आझमनं खेळावं असं वाटत नाही. तो एक चांगला कसोटी क्रिकेटर असेल. मात्र, त्यानं टी 20 क्रिकेट मला वाटतं की खेळू नये. टी 20 क्रिकेटमध्ये माझं मत आहे तुम्ही नेहमी टुक टुक करु शकत नाही”,असं श्रीकांत म्हणाले. के. श्रीकांत पुढे म्हणाले की तुम्ही आकड्यांबाबत जेव्हा बोलता त्यावेळी ते बाबर विराट कोहली आणि रोहित शर्मानं 4 हजार धावा केल्याचं सांगतात. मात्र, बाबर आझमचा स्ट्राईक रेट 112-115 इतका आहे. तुम्ही कुणाबाबत बोलताय, अस सवाल के. श्रीकांत यांनी केला.
Babar Azam पाकिस्तान सुपर 8 मधून बाहेर
अमेरिकेकडून सुपर ओव्हरमध्ये पाकिस्तानला टी 20 वर्ल्ड कपमध्ये तर भारताकडून 6 धावांनी पराभव स्वीकारला होता. यानंतरही पाकिस्तानच्या सुपर 8 च्या आशा कायम होत्या. पावसानं आयरलँड विरुद्ध अमेरिका मॅच रद्द झाली. अमेरिकेला त्यामुळं फायदा मिळाला आणि ते सुपर 8 मध्ये गेले. तर, पाकिस्तान क्रिकेट संघाला कॅनडा आणि आयरलँडला पराभूत करुनही घरचा रस्ता धरावा लागला.
